“የሴቶችን ፀጉር በተመጣጣኝ ዋጋ እናሳምራለን”—Jobreg እና አስገራሚ ህይወት—የጉዞ ማስታወሻ 1

ምናልባት “ያለማስታዉቂያ የንግድ ስራ መስራት በጨለማ ቆንጆ ሴትን መጥቀስ ነዉ”ምናምን ሲባል ሰምተዉ ይሆናል፡፡የጆበርጉ ግን ከዚህ ፍጹም ይለያል፡፡ስራ እራሱ ማስታወቂያ ነዉ የሰዉየዉ እምነት…..ለዛም ነዉ አዘዉትሮ በጥዋት ተነስቶ በፎቶዉ እንደምታዩት ሴትየዋን እና ወንበሩን ይዙ ወደ ከተማዋ የሚወጣዉ…

ቦታዉ በሺዎች የሚቆጠሩ ሀበሾች የሞሉበት ነዉ፡፡እናም የተገልጋዩን ቀልብ ለመሳብ ሙያዉን በጉልህ እያሣየ ይሰራል፡፡ዉዱ የሚባለዉ ዋጋ 150 ራንድ ነዉ፡፡300 የዋልያዉ ብር ማለት ነዉ፡፡ሎ–ለየትኛዉ የቁናኖ አይነት እንደሆነ አላቅም፡፡ግን አንዲት ሴት ከሜኑ ላይ መርጣ በፈለገችዉ አይነት ስሪት ፀጉርዋን ማሳመር ትችላለች፡፡ደሞ የምን ሳሎን ምናምን ነዉ፡፡ወደ ገበያ እየሄደችም ቢሆን አንድአፍታ ጊዜዋን ሰዉታ ተቆንና እና አሸብርቃ መሄድ ነዉ፡፡

ፎጣ ዉሀ እና አስፈላጊ ነገሮችን ድርጅቱ ያቀርባል፡፡አንቺ ብቻ መጥተሽ ከሜኑ ላይ እንደምግብ መርጠሽ መሰራት ነዉ፡፡

ይህቺ ከተማ ጆበርግ ናት፡፡እስካሁን ካየሁትና ከሰማሁት ሁሉ አስገራሚ ህይወት የሚሰማባት ከተማ፡–እጅግ የሚመስጠዉ ደግሞ ዋናዉ ተዋናዬች ሀበሾች መሆናቸዉ ነዉ፡፡

በጆበርግ ሀበሻ ሀብታም ነዉ፡፡ልጥጥ ሀብታም ባይሆን እንኳን ሱቆች አሉት፡፡በቃ ይህም ባይኖረዉ አንድ የማላዊ ሰራተኛ እቤቱ አለችዉ፡፡የቤት ሰራተኛ ሲባል ደግሞ እንደእርስዋ በአማርኛ እንዳያሥቡት፡—

የመጣሁ ቀን ሀኪም ቤት አብረን ሄድን፡፡መንገድ ላይ አንድ ሴት መኪና ዉስጥ ገባች፡፡”አዲስዋ ሰራተኛ ነች ይህቺ–ያችኛዋ በጣም ስላስቸገረችን –ለወንዱ ልጄም ጥሩ ስላልሆነች በዘዴ ላስወጣት ነዉ” አለኝ

“ቆይ ዘዴ ለምን ያስፈልጋል፡፡ካልተስማማህ ለምን ተነጋግረህ አታስወጣትም???”   “ሆ ሆ እዚህ ሀገር አንዲህ የለም”አለኝ እና ሰፈሩ ደረስን፡፡

ሀኪም መኪናዉን ከቤቱ 100 ሜትር ርቀት ላይ አቆማትና ወደ ቤቱ ገባን፡፡ማላዊዋን ሰራተኛ እነደገባን አየህዋት፡፡እናም ለምን በዘዴ ላስወጣት እንዳለ አሁን ገና ገባኘ!!በርግጠኝነት ከ100ኪሎ በላይ የምትመዝነዉ ማለዊዋ ወይዠሮ ሁለት እግሯን ሶፋዉ ላይ አንፈራጣ ቲቪ እየኮመኮመች ነዉ፡፡ደስ የሚለዉ ኢቲቪ 2 ነዉ የምታየዉ፡–እኔና ሀኪም ቤቱ ዉስጥ ስንገባ በጠበጣችሁኝ አይነት መንፈስ ተመቻችታ ተቀመጠች፡፡

ዛሬ እንግዳ ይዤ መጥቻለሁ፡፡እና 3ት ቀን እዚህ ስለሚቆይ እቤትሽ ሂጂና ከዛ ከ3ት ቀን በኋላ ትመጫለሽ…ሀኪም እና ባለቤቱ የልመና ያህል አግባብዋት፡፡

እሺ ብላ መቆነጃጀት ጀመረች ወይዘሮዋ…አንዴ ፀጉርዋን..ከዚያም ልብስዋን ብቻ ምን አለፋችሁ ከ30 ደቂቃ በላይ ተኳኩላ እስክተጨርስ ተጠበቀች፡፡የእራት ግበዣ ለመሄድ እንደምትዘጋጅ ልእልት በር ሁኔታዋ….ልብ በሉ የእስዋን መዉጣት የምትጠብቅ ሌላ ሰራተኛ መኪናዉ ዉስጥ አለች፡፡

ሀኪም በእግሩ ሄዶ ታክሲ አሳፈራት፡፡ታክሲዉ እስኪሄድ ድረስ ግን በጣም ጨንቆታል፡፡አዲስዋን ሰራተኛ ካየች አልወጣም አሻፈረኝ ትላለችና….ከድብብቆሹ ድራማ በኋላ አዲስዋ ሰራተኛ በድብቅ ቤተሰቡን ተቀላቀለች፡፡

አዲስ የመጣሁት እንግዳም ባየሁት ነገር ተገርሜ ዋልያዉ ወዳረፈበት  ብሎምፎንቴን በሌሊቱ አቀናሁ፡፡ከተማዋ ህይወትዋ እንዳለ በአስገራሚ ነገሮች የተሞላች ነች፡፡የማዘለል እና የመዝለል ድራማ–ሜክ አ ፕላን እና ሌሎች ..ቀስ እያልን እንጎበኛቸዋለን!!

2 thoughts on ““የሴቶችን ፀጉር በተመጣጣኝ ዋጋ እናሳምራለን”—Jobreg እና አስገራሚ ህይወት—የጉዞ ማስታወሻ 1

Leave a Reply

Your email address will not be published.