ከመጠን በላይ በሆነ ላብ ተቸግረዋል? እንግዲያውስ መፍትሄዎቹ እነሆ

sweet

(በዳንኤል አማረ ©ኢትዮጤና)
ለበለጠ የጤና መረጃ ይህን ገጽ ላይክ ያድርጉ www.facebook.com/EthioTena

ላብ በጣም ጥሩ ነገር ነው ምክንያቱም ሰውነትዎን ስለሚያቀዘቅዝልዎ ነገር ግን ከመጠን ያለፈ ሲሆን የሚያሳቅቅ እና የሚያስፈራ ችግር ነው፡፡ ላብ የቆሸሽን ከማስመሰሉ በተጨማሪም ባክቴሪያዎች ከመጠን በላይ እንዲራቡ ምቹ ሁኔታን ይፈጥራል ይህም ሁኔታ መጥፎ የሰውነት ጠረን እንዲኖረን ያደርጋል፡፡ ሁልጊዜ የሚለብሱት ቲ-ሸርት መርጠብ ያስጨንቅዎት ይሆናል ከዚህ በታች የተዘረዘሩት የሚያልበን ላብ ለመቀነስ ይረዳሉ ይጠቀሙባቸው፦

የቡና እና ሻይ አወሳሰድዎን ይቀንሱ፡፡
ካፌይን(Caffeine) ለብዙዎቻችን የምንጊዜም ተመራጭ ትኩስ መጠጣችን ሲሆን የነርቭ ስርዓታችንን ያነቃቃል፡፡ ይህ እንዲሆን ባንፈልግም የላብ አመንጪ እጢዎቻችን በእጥፍ እንዲሰሩ(ላብ እንዲያመነጩ) ያደርጋቸዋል ስለዚህ ትኩስ ነገሮችን መጠቀም ማቆም የሚደገፍ ሃሳብ ነው፡፡

በብዛት ውሃ መጠጣት፡፡
አብዛኛው ላብ የሚሰራው ከውሃ ስለሆነ የላብ መጠንን ለመቀነስ የውሃ አጠቃቀማችንን መቀነስ አለብን ማለት አይደለም፤ በቀን ከ8-12 ብርጭቆ ውሃ በአማካይ መጠጣት ተገቢ ነው ይህን ማድረጋችን ሰውነታችን እንዲቀዘቅዝ ያደርገዋል ስለዚህ ሰውነታችን ራሱን ለማቀዝቀዝ ላብ አያመነጭም፡፡

ሲጋራ ማጨስ እና ከመጠን ያለፈ አልኮል መጠጥ መጠጣት ያቁሙ፡፡
እነዚህ ሁለት ልምዶች በቶኖች የሚገመቱ መርዛማ ነገሮች ወደ ሰውነታችን እንዲገባ ያደርጋሉ እነዚህ መርዛማ ነገሮችን በጥቂቱ ከሰውነታችን ለማስወገድ ከመጠን በላይ ያልበናል በተጨማሪም ሲጋራ ማጨስና ከመጠን ያለፈ የአልኮል መጠጦች መጠቀም ለጤንነታችን ጎጂ ስለሆኑ አይመከርም፡፡

በፀረ-ኦክሲዳንት የበለጸጉ ምግቦችን ይመገቡ፡፡
ፍራፍሬ እና አትክልቶች ፀረ-ኦክሲዳንት በውስጣቸው ይዘዋል ይህም በሰውነት ውስጥ ያሉ መርዛማ ነገሮችን ለማክሸፍ ይረዳል፡፡እነዚህ ፍራፍሬዎች እና አትክልቶች መርዛማ ነገሮችን ስለሚያከሽፉቸው እነዚህን መርዞች ከሰውነታችን ውጭ ለማስወገድ ላብ ማላብ አያስፈልግም፡፡ አንዳንድ ጥሩ የፀረ-ኦክሲደንት ምንጮች /መገኛዎች/፦ ወይን፣ ቀያይ ፍሬዎች፣ ለውዝ፣ ብርቱካናማ ቀለም ያላቸው ፍራፍሬዎች ናቸው፡፡

ከሚያቃጥሉ ምግቦች እራስዎን ያርቁ፡-
የሚያቃጥሉ ምግቦች ለጤንነታችን በጣም ጠቃሚ ነው፡፡ ነገር ግን በብዛት እንዲያልበን ስለሚያደርጉ አይመከርም፡፡ ምንም ለእኛ ለኢትዮጲኖች ከባድ ቢሆንም የሚያቃጥሉ ምግቦች የሰውነትን ሙቀትን በመጨመር ከመጠን በላይ እንዲያልበን ያደርጋሉ ፡፡ የላብ አመንጪ እጢዎቻችን ወደ ስራ በመግባት ሰውነትን ያቀዘቅዛሉ፡፡

ጭንቀትና ፍርሃትን ያስወግዱ፡-
ፍረሃት እና ጭንቀት የላብ አመጪ እጢዎች ከመጠን በላይ በስራ እንዲጠመዱ ያደርጋቸዋል ይህም ውጥረት፣ ስጋትና ሃሳብን ለመቀነስ የሚወስዱት እርምጃ ነው፡፡ የተለያዩ ዘና የሚያደርጉ ስፖርታዊ እንስቃሴዎችን በመስራት ከላይ የተጠቀሱትን ችግሮች በመቀነስ የሚያልበንን የላብ መጠን መቀነስ ይቻላል፡፡

ከቤት ከመውጣትዎ በፊት ቀዝቃዛ ሻወር ይውሰዱ፡-
ቀዝቃዛ ሻወር በማንኛውም ምክንያት ያላበንን ላብ ለማስወገድ እና የሰውነታችንን ሙቀትን ለማመጣጠን ይርዳናል፡፡ ቀዝቃዛ ሻወር በሚወሰድበት ጊዜ ፀረ-ባክቴሪያ ሳሙናዎችን በመጠቀም የሰውነትን ጠረን/ማዕዛ ማስተካከል ይቻላል፡፡ በሙቅ ውኃ ሻወር መውሰድ ያለበዎትን ከመጠን ያለፈ የላብ ችግር ያባብሳል፡፡

የብብዎትን ፀጉር ያስወግዱ፡-
ላብ በከፍተኛ ሁኔታ ከሚያልቡን የሰውነታችን ክፍሎች ውስጥ አንዱ ብብት ነው፡፡የላብ ማድረቂያ ምርቶችን ከመጠቀም ባሻገር የብብት አካባቢ እንዲቀዘቅዝ ፀጉርን ማስወገድ ጥሩ ሃሳብ ነው፡፡ በተጨማሪም የብብት ፀጉርን መላጨት ሽታ አምጭ ባክቴሪያዎችን እንዳይራቡ ያደርጋቸዋል፡፡

ትክክለኛ የሆኑ ልብሶችን መጠቀም(መልበስ)፡-
ከተፈጥሮ ነገር ውጭ የተመረቱ ልብሶችን እንደ ኮተን፣ ላይለን እና ውል የሰውነት ቆዳዎችን እንዲተነፍስ ያደርጋል፡፡ ሰው ሰራሻ (ሲንቴቲክ) ፋይበሮች ሙቀትን በማመቅ ብዙ ላብ እንዲያልበን ያደርጋል፡፡ ሳሳ ያሉ ልብሶችን መልበስ በቂ የሆነ አየር በልብስ እና በቆዳ መካከል እንዲዘዋወር ያደርጋሉ፡፡ ደብዛዛና ቀለል ያሉ ልብሶችን መልበስ ይመከራል ፡፡ በተለይም ጥቁር ቀለም ያላቸው ልብሶች ሙቀትን ይሰበስባሉ፡፡

ከመጠን በላይ የሆነ ውፍረትን ያስወግዱ፡-
ከመጠን ያለፈ ወይም በጣም ወፍራም ሰዎች በከፍተኛ ሁኔታ ያልባቸዋል፡፡ ምክንያቱም ከፍተኛ የሆነ የሰውነት ሙቀት ስላላቸው ነው፡፡ በእውነት ከዚህ የላብ ችግር መውጣት የሚፈልጉ ከሆነ እና ከትክክለኛው/መጠነኛ የሰውነት ክብደት በላይ ከሆኑ ሸንቀጥ ለማለት ይሞክሩ፡፡

መልካም ጤንነት!!
ለበለጠ የጤና መረጃ ይህን ገጽ ላይክ ያድርጉ www.facebook.com/EthioTena
እንዲሁም የኢትዮጤና ድህረ ገጽን ይጎብኙ www.ethiotena.net/wordpress

19 thoughts on “ከመጠን በላይ በሆነ ላብ ተቸግረዋል? እንግዲያውስ መፍትሄዎቹ እነሆ

  1. በጣም አስተማሪ እና እውቀት አሰጨባጭ ነው
    በትክክል የተባለውን አድርጌ የሚያልበኝ ሀሉ ቀንሶልኛል አናመሰግናለን

  2. It is an interesting issue should be known by …. but now adays how many of us read usable texts? Frim reading we can be dr. for ourselves in every moment..I like it responssibly…

  3. ለዚ እኮ ነው የምወዳችሁ…..በርቱ ብዙዎችን እየጠቀማችሁ ነው።

Leave a Reply

Your email address will not be published.