Connect with us

Articles

”ሞቼ ተነሳሁ” የሚለው ሰውዬ – “መለስ ዜናዊን ገነት አገኘኋቸው” አለ

Published

on

daniel-abera

የሀይማኖት ፣ የሞራል ወይስ የማንነት ግጭት ፍለጋ ?

ቴዎድሮስ ተ/አረጋይ

ሰሞኑን ራሱን ነብይ ብሎ የሚጠራ ዳንኤል አበራ የተባለ የፕሮቴስታንት ሀይማኖት ሰው ለ5 ቀናት ሞቶ ሲኦልና ገነትን ጎብኝቶ እንደመጣ በመግለጽ የ5 ቀናት ቆይታውን (የጉዞ ማስታወሻውን እንበለው) ” እውነተኛው ዓለም ሲገለጥ” በሚል ርዕስ መጽሐፍ ጽፎ 279 ገፅ ያለውን መጽሐፍ በብር 350:00(ሦስት መቶ ሀምሳ) እየሸጠ ይገኛል። ሰማይ ቤት ደርሶ መመለስም ሆነ በነፃ ገበያ ሀገር 3,000:00 መሸጥም መብቱ ነው። ለማንኛውም መጽሐፉ በነፃ እጄ ገብቷል ። ካሁን ቀደም ” ማርያም ታየች ” ብሎ ህዝብ ሲያጋፋ የነበረ ባህታዊ ነኝ ያለ ሰው ፣ “ማርያም ነኝ” ብላ ክርስቶስ ነው ካለችው ትንሽ ልጅ ጋር ዞራ ስታጭበረብር የታሰረች ሴትን አውቃለሁ። እነዚህ ሰዎች የሚታለል ሲያገኙ አታለሉ እንጂ በዳንኤል ልክ የማንንም ሀይማኖት ፣ ሞራልና የየደጋፊያኑን ሰብእና የነኩ አልነበሩም ። ዳንኤል ግን ሀይማኖት ስም በመጽሐፉ የሚከተሉትን በዝምታ ሊታለፉ የማይገቡ ፣ ሀይማኖተኞችና ደጋፊዎቹ ህግ ፊት ሊያቆሙት የሚገባ ጥፋት ፈፅሟል።

daniel-abera

ለግል ኪሱ መዳጎስ በህትመት ስሌት 279 ገፅ መጽሐፍ ከ50 – 60 ብር ሊሸጥ ሲገባ 350 ብር የሚሸጠው ይህ ሰው ነውርን በውድ ዋጋ እየሸጠ ይገኛል ። ስለመጽሐፉ በተከታታይ የምለው ያለኝ ሲሆን ዋና ዋና ያልኳቸውን (ከመጽሐፉ የተገኙ) ጥቂት ሃሳቦችን ብቻ አነሳለሁ። ይህ ሀሳብ የሰውየው የግል ሀሳብ እንጂ የሀይማኖቱ እምነት አይደለም ብዬ ስለማምን ዋንኛውን ተቃውሞ ከጤነኞች የፕሮቴስታንት ሀይማኖት ተከታዮች እጠብቃለሁ። ለአንባቢያን ስሜት ሲባል ይህን ጽሑፍ በዝምታ ባልፈው በወደድኩ። ይሁን እንጂ ደግሞ ዝምታው ሀሳቡ ያለከልካይ እንዲራባ ከማድረግ ውጭ የሚፈይደው ነገር አይኖርም። ከሞራል አንፃር ደግሞ ያለማለፍ ግዴታ ያለብኝ ሆኖ ተሰማኝ። በመሆኑም ለማስቆጣው የአንባቢያን ስሜት በቅድሚያ ይቅርታ አየጠየቅሁ ለዛሬው ይህን ልበል።

ከ”እውነተኛው ዓለም ሲገለጥ ” የተገኘ

★እየሩሳሌም ቅድስት ከተማ አይደለችም ።
★ነብዩ መሀመድን የእሳት ወንዝ ውስጥ ተጥሎ አየሁ።
★በህንፃው ውስጥ (በሲኦል ውስጥ ማለቱ ነው) መሀመድን የሚመስል መንፈስ ቁጭ ብሎ ‘አላህ ነኝ‘ በማለት ያደናግር ነበር።
★ አቡነ ጳውሎስን ጨምሮ የኦርቶዶክስና ካቶሊክ ጳጳሳት ከነአማኞቻቸው በእሳት ጉድጓድ እየተቃጠሉ በእሳት ጉድጓድ ተጥለው እየተቃጠሉ ሲሰቃዩ አይቻለሁ ።
★ጥላሁን ገሰሰ ከብዙ ግብረአበሮቹ ጋር በእሳት እየነደደ አየሁ ። ከዚያም “ምነው ከነሙሉ አካሌ በሞትኩ ፣ ለምን እግሬን አስቆረጥኩ” እያለ ማባሪያ በሌለው ፀፀት እርግማን ማውረዱን ተያያዘው ።
★የቀድሞው የሀገራችን መሪ (አቶ መለስ ዜናዊን ማለቱ ነው) በገነት እንዳገኛቸውና አየሱስ ክርስቶስ የመጀመሪያው ገነት የገባ መሪ መሆናቸውን እንደነገረው ከብዙ ሀተታዎች ጋር ጽፏል ።

Source: RevolutionForDemocracy

Continue Reading
160 Comments

160 Comments

  1. ሰሚይ

    November 27, 2017 at 5:58 pm

    Enatu tbeda rasu esat yigebal

  2. genet abebe

    November 24, 2017 at 1:00 pm

    ማይክል ጃክሰንንስ አላየም እንዴ???

  3. alemu desu

    October 3, 2017 at 1:12 pm

    fb

  4. Anonymous

    August 28, 2017 at 3:25 pm

    የ አይሁድ ኖጉሥ ሊወለዶ ነዉ

  5. Anonymous

    August 7, 2017 at 9:38 pm

    ኢነ ምለዉ ኢናተ ማንን ነዉ የምታ መሊኩ።

  6. Anonymous

    May 29, 2017 at 9:09 am

    መፅሀፍ የሀሰት የሆነ ነው

  7. Kukulu

    April 10, 2017 at 11:38 pm

    ዎቆይ ቆይ አሁን መለስ ገነት ከገባ መንግስቱ የት ሊገባ ነው?

  8. Anonymous

    October 21, 2016 at 3:07 pm

    did you even read the book bro? If you had read the book you would realize there is a purpose for that picture

  9. Aya

    June 30, 2016 at 12:02 pm

    ብዙ ዎች በኢሀድግ መንግስት ብዙ ሰው ሞቶባችሁ ይሆናል ቀላል አይደለም ይሁን ያደረገ ሰው ገነት ገባ በተባሉ። ፃድቁን ኢየሱስን ያስገደለው የእያንዳዳችን ሃጢያት እንደሆነ በክርስቲያኖች የያዛችሁት መፅሀፍ ይናገራል ታዲያ እርሱ በሚገዛው መንግስት የውስጥ ለመግባት ብቃታችን ምንድር ነው ? የሚጠሉአችሁን ምን አድርጉአችሁ አለ ? የ አዲስ ኪዳን ሰማእት እስቲፋኖስን እንደ እባብ በድንጋይ ቀጥቅጠው የገደሉት ኮሚንስቶች ወይንም ዘራፊዎች ሳይሆኑ ካክናት የሙሴ ሃገር መምህራን ሆነው ሳለ ስለሚገድሉት የሚያደርጉትን አያውቁምና የቅርብ በላቸው ካለና ገነት ከገባ ዘመዴን የገደለውን የቅርብ እንዳትለው ካልን እኛም እስቲፋኖስም በገነት እንገባለን ብላችሁ ታምናላችሁ ? እወነተኛ ጠላታችን ሰይጣን መጠቀሚያው በጥላቻ የተሞላ ሰው ማምለጫው የምህረት መንገድ ብቻ ነው። ከመፅሀፍ ቅዱስ ላይ የፈለግነውን ብቻ መርጦ ለማመን እኛ ገነት ሊያስገባ የሚችል መፅሀፍ ለመፃፍ የሚያስችል እውቀት የለንም። የኡትዮጽያ እድል ፈንታዋ እግዚአብሔር ነው። መልካሙአንም እናያለን። ክጥላቻን ለመጥላት የፍቅር ለሆነው ጌታ መገዛትን ይጥይቃል። ሰላም ይግዛን።

  10. Aya

    June 30, 2016 at 4:19 am

    መፅሀፉ እንዲህ የሚነቀፈው ለጠቅላይ ሚንስተሩ ካለ ጥላቻ ነው ?
    ወይስ ማን ገነት ማን ሲኦል እንደሚገባ ፈራጁ ሰው ሆኖ ነው።
    የማናውቀውና ልናውቀው የማንፈልገውን ሌሎች ቢፅፉበት ስህተትነቱ ለማይፈልጉት ብቻ ሊሆን የቻላል። በመፅሀፉ መጨረሻ ላይ በሚቀጥሉት 15 አመታት በኢትይጽያ ሊሆኑ ስላሉ በጣም መልካም ነገሮች ተፅፈዋል እነሱንም ማንሳት ተገቢ ይመስለኛል። ያ የሙሴ ሃገር መምህር ኢየሱስን ስለሚቃወሙት ካህናት ከእግዚአብሄር ጋር ስትጣሉ እንዳትገኙ ብሎ መከራቸው። ጆሮ ያለው የሰማ። ጥላቻ አእምሮን ያሳውራል። ምህረቱን መረጡ።

  11. Anonymous

    May 10, 2016 at 6:55 am

    Eyesus yadinal! Yitadegal!!

  12. Anonymous

    February 29, 2016 at 9:36 am

    he didn’t say that. In fact he said that he saw honest orthodox christians in heaven

  13. aman

    December 30, 2015 at 7:45 am

    jesus doesn’t know denominations (the bible doesn’t speak about denominations) but whoever you are if live according to the word of GOD – that is if you belive on the name of jesus and walk in holiness(a repented life) you will be saved. “FOR THE SON OF MAN HAS COME TO SEEK AND TO SAVE THAT WHICH WAS LOST”luke19;10

  14. aman

    December 30, 2015 at 7:37 am

    when you read such things please compare it with the bible , based on this man’s testimony i find it interestingly amazing that how people end up in hell and heaven , it completely is not out of the scope of the bible. if you dont believe him , at least believe the bible and believe jesus, the bible says “there is no other way but jesus” . and the only way to get heaven is through true repentance and faith in jesus christ. and for all of us who are nominal christians this is a challenge to find out who jesus was and what where his teachings. please watch this similar testimonies from people all around the world, http://www.divinerevelations.info/

  15. saleigzer seifu

    September 13, 2015 at 8:25 am

    ketafe neh!! yemecheresh ketafe ”andenga new ” yemelewen zefen gabsehalehu

  16. Ri

    May 29, 2015 at 7:52 pm

    Hmmmmm Joro yalew ysma erasachihun temelketu mashof kelal new lik comment endemtsetut. Ketesetut asteyayetoch kemelkam asteyayet kifuw ybeltal lik endezih wede genet kemigebaw wede siol yemigebaw ybeltal. Btsemu lerasachihu batsemu lerasachihu yefikir AMLAK gn hulim lijochun kemefeleg wedehwala aylim. KIRISTOS begna zemen yemeta bihon noro ke ayhud chikani yezemenu sew saybelt aykerm neber. Hulunm titen lemn sle KIRISTOS aninorm beka EGZIABHERN des lemasegnet lefikiru milash lesu menor new ena. Methafu leni keha eske pe its postive,biblical,fair,true,GETAn yemigelt new eni tekebyewalehu. “begochi dmtin ysemalu” ylal GETA begochu yleyutal dmtun mesmat, mayet, meleyet yhunlachihu. Medan lehulachinm yhun Amen

  17. م ر

    April 30, 2015 at 2:22 pm

    አተአህያእሻአላህአተእሳትላይእደሚትጣልታይቶህነው

  18. Anonymous

    April 3, 2015 at 10:45 pm

    ይህ ሰው አብዷል እግዚኅብሔር በምህረት ወደ አይምሮው ይመልሰው ዘንድ እፀልይለት። እሱን ማን የገነት ቱሪስት አረገው?እኔን የገረመኝ ደርሶ መመለሱ ! የእናቱ ጓዳ መሰለው ሆሆሆሆ…

  19. Anonymous

    January 26, 2015 at 1:26 pm

    Enezih yetezerezerut negeroch ewnetm yehunu wushet, liker yamychil ewneta gin ale; esum Si’olna Genet. Semi joro yalew yisma ye Genet Megbiya bichegnaw ber EYESUS KIRSTOS new! Bekrstos yemyamn ke Si’ol yameltal!!! Geta mastewalun yisten!

  20. Anonymous

    January 26, 2015 at 1:17 pm

    ds

  21. Anonymous

    January 22, 2015 at 12:07 am

    antse

  22. ጌታቸው(ከአዲስ አበባ)

    January 14, 2015 at 10:11 am

    ይሄ ሰው (አጭበርባሪ)ሌባ ነው ሊወገዝ ወውገግዘተቱነን ካልሰማ(ካላረመ)እንቢ ካለ ደግሞ ሊወገር ይገባል፡፡

  23. Anonymous

    January 14, 2015 at 9:41 am

    ይሄ ሰው ሌባ ነው ሊወገዝ እንቢ ካለ ደግሞ ሊወገር ይገባል፡፡

  24. mohammed

    January 14, 2015 at 9:24 am

    it is not real

  25. Anonymous

    January 14, 2015 at 5:15 am

    Wonderful observation

  26. Anonymous

    January 14, 2015 at 12:13 am

    So,why are you still doing here? Get the hell your ass out of here . Mr smarty pant

  27. yunuse

    January 13, 2015 at 5:18 pm

    betm qonjo eyta new pol

  28. Anonymous

    January 12, 2015 at 6:31 pm

    You have to be 99× Dummer than jeaorge w bush to believe this fairytale

  29. Anonymous

    January 12, 2015 at 5:23 am

    what are you saying bro, the source is the book.

  30. king

    January 11, 2015 at 4:33 pm

    yes, no one cant jokes with God Messengers !!!!

  31. nebey danel abera

    January 11, 2015 at 2:22 pm

    ene yalehut mengeste semayat new lemidegfugn hulu yegenetin kulf setalew

  32. Anonymous

    January 11, 2015 at 2:15 pm

    kkkkkkkkkkkkkkkkkkkkkkkkkkk temechehegn ene ke geta gar hogne betafkut mesehaf enante lemin endezi tingebegebalachihu geta kenante gar yehun

  33. Anonymous

    January 11, 2015 at 1:53 pm

    lol seol ayehuachew bil ayitatemletim nebera

  34. Anonymous

    January 11, 2015 at 10:16 am

    aydebrhm

  35. Tewahedo

    January 11, 2015 at 9:43 am

    የማቴዎስ ወንጌል። 7:16 | “ከፍሬያቸው ታውቌቸዋላችሁ”
    ብሎ ጌታ ያስተማረው በመጨረሻው ዘመን ለሚነሱ ለንደዚህ አይነት የሃሰት ምስክሮችና የሃሰት ነቢያት ነው::
    ማንም እንዳያስታጩ ተጠንቀቁ

  36. Anonymous

    January 11, 2015 at 8:22 am

    Ye mesthafun cover esti bedenb eyut
    You’ll get the answer of ur question
    Yetegnaw ye haymanot mesthaf erkan betenesach set photo
    yeteshefenew
    U see its busnus erkan yetenesu
    Hulet setoch beza lay setoch wendin lemashafed
    Sikolachew yemiyaregut act
    If u r intelligent u can judge this book in his cover
    So people don’t be fool

  37. Genet

    January 10, 2015 at 10:36 pm

    Beka Meles genet gebetoall kale genet lemegebat sewochin mgedelena masafen masare enjemeraa genet endengeba,kkkkkkkkkkk wey huger endhe yemerebat enjie.

  38. Solomon

    January 10, 2015 at 10:12 pm

    Don’t be too concerned. After all this book will put to light that even the bible and Quran were books written by individuals, albeit smarter ones, to distract and herd the masses.

  39. Solomon

    January 10, 2015 at 10:09 pm

    with so many pressing issues in this world, it’s ironic that all he saw was religious figures and pop stars in the “heavens”. I however applaud his entrepreneurship skills for capitalizing on the stupidity of the masses.

  40. Anonymous

    January 10, 2015 at 5:25 pm

    atakabed yehulum haymanot tenektual

  41. Anonymous

    January 10, 2015 at 5:18 pm

    Sorry to raise this foolish point as issue………..

  42. Anonymous

    January 10, 2015 at 5:06 pm

    temechegn

  43. Anonymous

    January 10, 2015 at 3:06 pm

    አንድ ነገር ልናገር?? ግን ለምን ለሀገራችን የሚጠቅም ነገር ላይ አትወዩም???

    ሁላችሁም ያው ናችሁ ህዝብን ለማበጣበጥ ነው አላማዬ ብላችሁ የያዛችሁት ፀሃፊው የራሱን ሞኝነት ወይም ብልሃት ተጠቅሞ ህዝብን ለመበጥበጥ ሊሆን እንኩዋን ቢችል የፃፈው እኛ ነገሩን አጡፈን እሳት መለኮስ የለብንም አርቀን ማሰብ አለብን፡፡ ግን ተቃውሞ ያለው ተቃውሞውን ማሰቀመጥ ይችላል እንጂ ሌላ መጥፎ ሃሳብን መርዝ ነዳጂ ክርቢት በመጨመር ይህን አይነት ሃሳብ መቃዎም አይቻልም፡፡ ሁሉም ሃየማኖቱን እንጂ መከተል ያለበት ማንም ሆድ ሲብሰው ወይም መስራት ሲያቅተው ሰላምን በምድር ለማደፍረስ በፃፈ ቁጥር እኛ ወዳልተፈለገ ነገር መግባት የለብንም፡፡
    እኛ ገና ብዙ የሃገር አደራ አለብን፡፡ ድህነት/በልቶ ለማደር ተቸግረን/ ሰላም አጥተን ያለን ሰዎች ይህን እነደከባድና አንገብጋቢ ነገር አይቶ ማውራት ማስዎራት ምን ዋጋ ይሰጣል???
    መጀመሪያ ጠግባችሁ እደሩ እስኪ፡፡፡፡፡
    ሁላችሁም ያው ናችሁ ህዝብን ለማበጣበጥ ነው አላማዬ ብላችሁ የያዛችሁት ፀሃፊው የራሱን ሞኝነት ወይም ብልሃት ተጠቅሞ ህዝብን ለመበጥበጥ ሊሆን እንኩዋን ቢችል የፃፈው እኛ ነገሩን አጡፈን እሳት መለኮስ የለብንም አርቀን ማሰብ አለብን፡፡ ግን ተቃውሞ ያለው ተቃውሞውን ማሰቀመጥ ይችላል እንጂ ሌላ መጥፎ ሃሳብን መርዝ ነዳጂ ክርቢት በመጨመር ይህን አይነት ሃሳብ መቃዎም አይቻልም፡፡ ሁሉም ሃየማኖቱን እንጂ መከተል ያለበት ማንም ሆድ ሲብሰው ወይም መስራት ሲያቅተው ሰላምን በምድር ለማደፍረስ በፃፈ ቁጥር እኛ ወዳልተፈለገ ነገር መግባት የለብንም፡፡
    እኛ ገና ብዙ የሃገር አደራ አለብን፡፡ ድህነት/በልቶ ለማደር ተቸግረን/ ሰላም አጥተን ያለን ሰዎች ይህን እነደከባድና አንገብጋቢ ነገር አይቶ ማውራት ማስዎራት ምን ዋጋ ይሰጣል???
    መጀመሪያ ጠግባችሁ እደሩ እስኪ፡፡፡፡፡
    እኔም ለዚህ ለማይረባ ጉዳይ ላባከንኩት ጊዜ እፀፀታለሁ፡፡ ወደዬ ስራችሁ በሉ ይህ አየጠቅመንም፡፡ የሃይማኖት ተቆርቋሪ መሳዮች መሆናችሁም ይታዎቃል፡፡እኔም ለዚህ ለማይረባ ጉዳይ ላባከንኩት ጊዜ እፀፀታለሁ፡፡ ወደዬ ስራችሁ በሉ ይህ አየጠቅመንም፡፡ የሃይማኖት ተቆርቋሪ መሳዮች መሆናችሁም ይታዎቃል፡፡

  44. መስፍን ነኝ

    January 10, 2015 at 2:48 pm

    መቼ ትመለሳለህ በሉለኝ እስቲ.ቂቂቂቂቂቂቂ

  45. Anonymous

    January 10, 2015 at 8:19 am

    wow

  46. fj

    January 10, 2015 at 2:00 am

    በጣም የገረመኝ ነገር ይህ ነብይ ነኝ ባይ ግለሰብ ላለመታሰር ወይም ላለ መጠየቅ ያደረገው አካሄድ ተመችቶኛል አቶ መለስ በገነት አየዋቸው ያለው

  47. Anonymous

    January 10, 2015 at 12:12 am

    በዚህ የዋህ ህዝብ ይቀልዱበታል:: ዳኒኤል በተናገርከው ነገር አንድ ቀን መልስ ትሰጣለህ

  48. Anonymous

    January 9, 2015 at 9:25 pm

    normally ayhu belo ytsafachew negroch tgebi yalhonu lihonu yechelalu. gn mnalbat muto yayew endih kehones? yaewen ewneta ksewu hasab gar endisemama madrg albet?- yhn sel gn hasabun eydgefku aydlem

  49. Anonymous

    January 9, 2015 at 9:03 pm

    Gud bele gonder

  50. abe abe

    January 9, 2015 at 9:01 pm

    Kezi lelas yelachehum

  51. Anonymous

    January 9, 2015 at 7:37 pm

    zimita new melse

  52. Anonymous

    January 9, 2015 at 4:59 pm

    enym lemut ena genten ayche lemta

  53. lam ayehu besemay wetetuan yemalay

    January 9, 2015 at 4:57 pm

    Ere yemotut federal polisoch ye melakinet siltan tesetachew gehanemin eyetebeku new alalem?

  54. Pingback: የሀይማኖት ፣ የሞራል ወይስ የማንነት ግጭት ፍለጋ ? | NETSAWUBET

  55. Anonymous

    January 9, 2015 at 1:03 pm

    Abet wushet….wushet …wushet… E/her Yiker Yibeleh !!!!!!!!!!

  56. teka seifu

    January 9, 2015 at 11:58 am

    betam yemiyaskeym sewu, rasun yebeka adrgo yemiyasb, achiberbari, kalu yfetsem zend endih aynet sewu endemimeta tetsfual entenkek

  57. aytenew

    January 9, 2015 at 11:19 am

    Limatawi achiberbari leba

  58. Anonymous

    January 9, 2015 at 9:01 am

    wey ethiopia yebelagnelesh endezih ayenet gize lay adereshign ene milew seweyew mogne new weyes ageru lay mogn bezetual. yihe stupid feterawen adenkeletalew

  59. Anonymous

    January 9, 2015 at 9:00 am

    ምርጥ መላ ነው መለስን ገነት ማስቀመጡ ይህ ባይውን 350 ብር ሊሸጥ አይችልም ነበር

  60. Anonymous

    January 9, 2015 at 8:56 am

    እእ

  61. Anonymous

    January 9, 2015 at 8:35 am

    nebiy Daniel erswe gin yet neber yetewesedut.
    genet weyes SYOL?
    ERSWE slemilew kale yikrta eteykalehu.aygebawetmina.

  62. Anonymous

    January 9, 2015 at 12:07 am

    ትልቅ ይ ሥራ ፈጠራ ይሉሃል እሄ ነው ሰውዬው ጤነኛ ነው ግን ?

  63. Anonymous

    January 8, 2015 at 10:23 pm

    your kidding me right? wtf this just madness.. le asechekoye meremera wede Amanuel hospital yewesed.

  64. Anonymous

    January 8, 2015 at 10:10 pm

    kkkkkkk

  65. Anonymous

    January 8, 2015 at 9:40 pm

    stupid shier

  66. Anonymous

    January 8, 2015 at 8:00 pm

    ayinefam ……….

  67. peter

    January 8, 2015 at 7:58 pm

    yeah meles deserves to be in heaven and he deserves it

  68. Anonymous

    January 8, 2015 at 7:45 pm

    sejmer yalm fesami altknawenm bahun sat ferd sayset esat ena genet ylm ena wendmahen erasun bayatalel teru new

  69. Mohamed

    January 8, 2015 at 7:13 pm

    ★ነብዩ መሀመድን የእሳት ወንዝ ውስጥ ተጥሎ አየሁ። Benebeyachen Qeld yelem ?

  70. Anonymous

    January 8, 2015 at 5:39 pm

    I like this comment

  71. Anonymous

    January 8, 2015 at 5:31 pm

    yemigerm haset

  72. Anonymous

    January 8, 2015 at 5:03 pm

    Gid news gehan nachew bilma meder lay erasun gahenm yagenwe neber akem yelewin yenka enji yeah mafrya!!!!!!!!!!!

  73. yonatan

    January 8, 2015 at 4:57 pm

    Ere pls ere endesew enasib

  74. haha

    January 8, 2015 at 4:43 pm

    where is your source and please just don’t write up your thought to defame religion that you don’t believe. for me your writing sounds like made up by you . if not proof or mention your source.

  75. Anonymous

    January 8, 2015 at 4:36 pm

    this is the biggest mistake in your life. you can not see the heaven life in your life, because you are not the perfect profit that is why you are going to the false direction our false missitioer

  76. Anonymous

    January 8, 2015 at 4:19 pm

    ke politics lale maxat newu….

  77. Anonymous

    January 8, 2015 at 4:12 pm

    meles zemedih nachew.? metsihafun yegezah sew kale esu mirt ebd new…………..

  78. Anonymous

    January 8, 2015 at 3:27 pm

    Already protestants condumend his Wicked work!

  79. Anonymous

    January 8, 2015 at 3:16 pm

    hy ppl we r diversified ppl and we r still live together for long time evry one respect each other ! but now this guy is trying to distract our culture of ones and he tries to develop the culture of terrerism , he his trying to insult the ppl who belive in islamic religion ! to tell u the truth right now am internet house and the owner of the house is muslim he he talks about this issue and they are become crazy !! so in general this guy has a mission to crate instability and he tries to develop religious conservatives ! one tng that he use to scape from this blind gvt he rise about meles +ly then no one is care about the other ! he use them !! so already the book is published but we punished him not to by the book !!!!

  80. Anonymous

    January 8, 2015 at 2:23 pm

    Now I’m serious alsikim yihe ye mengist ej alebet

  81. Anonymous

    January 8, 2015 at 2:13 pm

    Still eyesaku new yiheninim tiyake sichemir loooooooool
    tinbit siwerd zaybew tekeyere ende fetari esun Bicha lemasamen new yihe hulu yasayew

  82. Anonymous

    January 8, 2015 at 2:12 pm

    Hooo kejite weyese ebidte gudi eko nw

  83. Anonymous

    January 8, 2015 at 2:10 pm

    i think he needs psychological treatment!!!!!!!!!!!

  84. Anonymous

    January 8, 2015 at 2:03 pm

    Loooooooool I like this guy loooooooool I can’t stop loool my belly +!!!!! Ya Allah
    Ke Ethiopia hizb alfo ye Ethiopia mengist chimir mashmwatecha aregachew
    Melesin genet wust ayehut …….loooooooool
    Man I can’t comment !
    Bemejemeriya dereja liteyikew mifeligew ebakih nigeregn belut 5 ken yetegnabetin ye enkilf kinin
    Enkilf embi silegn
    2nd min aynet chat kimo new yihen hulu tinbit aimirow yamenechelet
    leloch tiyakewoch alugn gin
    Bemiktilew zur

  85. Anonymous

    January 8, 2015 at 1:53 pm

    በእርግጠኝነት ይህ ሰው አብዷል .

  86. Anonymous

    January 8, 2015 at 1:36 pm

    Malas ganti gabaa silalki
    Now engi woyni kalit
    Yeliki nabre eskawuna

  87. Anonymous

    January 8, 2015 at 1:15 pm

    ኦሾ ልበልህ እንዲ? አልልህም::

  88. Anonymous

    January 8, 2015 at 1:14 pm

    አንተስ በደና ጊዜ አብድሀል !!!
    አማኑኤል ሆስፒታል ዘመድ ካለ ወረፋ ይያዝል
    አንተ የሲኦል ቤት በር መዝጊያ!!!!!

  89. Anonymous

    January 8, 2015 at 1:02 pm

    before you waste your money…..

  90. Anonymous

    January 8, 2015 at 12:40 pm

    ሰው ውሻ ነከሰኝ ብሎ ቂም አይዝም፡፡ ባይሆን አንገቱን ወደ ፓስተር ይዞ ይሔዳል እንጂ!!!

  91. Anonymous

    January 8, 2015 at 12:34 pm

    “እውነተኛው ዓለም ሲገለጥ” – ፩

    “እውነተኛው ዓለም ሲገለጥ” የሚል መጽሐፍ፣ አንድ ሰው ጸድቆብኝ ማገላበጥ ይዣለሁ፡፡ ጸሓፊው “ነቢይ” ዳንኤል አበራ ይባላል፤ ነቢይነቱን እንዳንስተው በአማርኛም፣ በፈረንጅ አፍም፣ በኢሜይል አድራሻውም አስረግጦልናል፡፡ እኔ የደረሰኝ ራሱ ጸሓፊው ፈርሞ ለሌላ ሰው የሰጠው መጽሐፍ ነው፤ “ከነቢይ ዳንኤል አበራ” ብሎ ነው የፈረመው፡፡ ስልኮቹንም አስቀምጧል፡፡ ይህ ሰው ለአምስት ቀናት ወደ ሰማይ ተወስዶ “ተመለከትኩት” ስለሚለው ነገር ነው የጻፈው፡፡ የመጽሐፉ ገጽ 277 ሲሆን መሸጫው 350.00 ብር ነው፡

    መጽሐፉ ሲጀምር ስለ አንድ ልሳን ይናገራል፡፡ እርሱ እንደሚለው “ይህ ልሳን ዓለም ሳይፈጠር ጀምሮ እስከ ዘላለም የነበረ” ነው፡፡ “ይህንን ልሳን በእምነት ሦስት ጊዜ የሚያነብ ሰው በሕይወቱ አዲስ ነገር ይሆንለታል፤ አዲስ ልሳን ይቀበላል፤ ጭንገፋ ከላዩ ላይ ይሰበራል፤ እስራቱ ይበጠሳል፤ ሸክሙም ይራገፋል፤ በሽታም አይሰለጥንበትም” ሲል ጌታ እንደነገረው ይጽፋል፡፡ ስለዚህ የእርሱን መጽሐፍ የሚያነብቡ ሰዎች “ለተከታታይ ሶስት ጊዜ በእምነትና በመንፈስ በመሆን ካነበበ በኋላ እርግማን፣ ጭንገፋ እና ድኽነት በሕይወቱ ላይ ለዘላል አይሆንም፡፡ ልሳኑ የመላእከት አይደለም፤ የቅዱሳንም ልሳን አይደለም፤ ከራሱ ከእግዚአብሔር የወጣ ፍጹም ሰማያዊ ንግግር” መሆኑን ያበስርና፣ ጌታ ልሳኑን በመጽሐፉ ገጽ 1 ላይ እንዲጽፈው እንደ ነገረው ገልጾ ገጽ vii ጀምሮ ገጽ viii ላይ ይጨርሰዋል – “ማኑስቴ አውዳሪያ ተምኒኪ” በማለት ነው ልሳኑ የሚጀምረው፡

    ያየውን ራእይንም የማይቀበለው ሰው እንዳይኖር ጌታ “መልእክትህን የማይቀበል እኔን አይቀበልም” ብሎ ቃል ገብቶለታል (ገጽ 5)፡፡ መጽሐፉ ሲጨርስ በንስሓ ጸሎት ነው፤ ከዚያ የጌታ ማስጠንቀቂያ አለበት – ያው ስለ ራእዩ መሆኑ ነው፡፡ ጌታ እንዲህ ብሏል ነው የሚለን “ይህ መጽሐፍ ከመጽሐፍ ቅዱስ ቀጥሎ እጅግ ለፍጥረት ሁሉ አስፈላጊ ሆኖ ለዘላለም የሚኖር የትንቢት እና የራእይ መጽሐፍ መሆኑን አስታውቃችኋሁ፡፡ ማንም እዚህ መጽሐፍ ላይ መጨመርም ሆነ መቀነስ አይችልም፡፡ እነሆ እኔ በቶሎ እመጣለሁ” (ገጽ 279)፡

    ጸሓፊው ቀዳማዊ ኀይለ ሥላሴን ሲኦል ውስጥ እንዳገኛቸው እና ዘንዶ በመቀመጫቸው ገብቶ በአፋቸው ሲወጣ ማየቱን ይነግረናል – “ኢትዮጵያዊው አፄ” በሚለው ንዑስ ርእሱ (ገጽ 85)፡፡ ፡፡ ሰይጣን ጃንሆይን “ምን ነካህ ሥዩመ እግዚአብሔር” እያለ ሙድ ሲይዝባቸው፣ ጃንሆይም፣ “አንተ ከይሲ አሳሳትከኝ” ሲሉት ነበር – “ነቢይ” ዳንኤል ሲያገኛቸው፡፡ በሌላ ስፍራ ደግሞ “ዓባይን ስለ ደፈረው” የቀድሞ ጠቅላይ ሚኒስትር ይናገራል – “የቀድሞው የኢትዮጵያ መሪ” በሚል ርእስ ሥር፡፡ ይህን መሪ በልጅነቱ (መጽሐፉ “ይህ ልጅ” ነው የሚለው) በ1965 በአንዲት ልጅ ጋባዥነት ወደ ቤተ ክርስቲያን መምጣቱን፣ የዋህና ቅን መሆኑን፣ አማርኛ ለመልመድ ካለው ጉጉት የተነሣ ቤተ ክርስቲያን ማዘውተሩን፣ … ከዚያ ደግሞ ጌታን መቀበሉን ይናገራል፡፡ ከዚያ ፖለቲካ ማርኮት “ዘመኑን ሁሉ ፖለቲከኛ በመሆን አሳለፈ”፡፡ ከዚያ ስለ አሟሟቱ ይነግረናል – ጌታ የተከናወነውን ነገር “ላይቭ” ነው ያሳየው፡፡ ዓባይን እገነባለሁ በማለቱ ግብፆች አሜሪካ ስብሰባ ላይ በጨረር እንደገደሉት አገዳደሉን 3 ገጾችን መድቦ ያስረዳል፡፡ በጨረር እንደትመታው የተነገራት ሴት በስሕተት የጋናው መሪ ላይ ጨረሯን መትከሏን፣ በኋላ ግን በአስገዳዩ መሪነት እንደ ገና ጠቅላዩ ላይ ማነጣጠሯን፣ ጨረሩ የሚያስከትለው የገጽታ ለውጥ ጉዳዩን እንዳያስነቃ አንድ ጋዜጠኛ ጮኾ እንዲሰድባቸው ሲደረግ ማየቱን ይነግረናል – ነቢይ ዳንኤል አበራ፡፡ እናም ይህንን ጠቅላይ ሚኒስትር ያገኘው ገነት ውስጥ ነበር ልክ በሚሞትባት ቅጽበት ንስሓ ገብቶ ነበርና፡፡ ጌታ እንደ ተናገረው ከሆነ “የመጀመሪያው ገነት የገባ የኢትዮጵያ መሪ ሆኖ ነው እዚያ የተገኘው”፡፡ ጠቅላዩ ደግሞ ነቢዩን ወደ ቤተሰባቸው መላክ ፈልገዋል “የተውኩላችሁ ሀብትና ክብር ጠፊ ነው” በማለት ጌታን እንዲከተሉ እንዲከተሉ የሚያሳስብ የምክር ቃል፡፡ ጌታም ወደዚህ መሪ ዘወር ብለው “መልእክት ካለህ ይኸው ንገረው ያድርስልህ” በማለት ከሙታን ዓለም መልእከት ይዞ እንዲመጣ “ነቢይ” ዳንኤልን ፈቅዶለታል – በመስከረም 2007 የታተመው መጽሐፍ እንደሚነግረን (217-221)፡

    በነገራችን ላይ የቀድሞው የኢትዮጵያ ፓትርያርክ እና የካቶሊኩ ፖፕም የጃንሆይ ጎረቤት ናቸው – በሲኦል፡፡ የፓትርያርኩ መገኛ ከጃንሆይ “ጉድጓድ ዐለፍ” ብሎ ነው (ገጽ 86) [ምናልባት ሁለቱም ቅድስት ሥላሴ መቃብር ቦታ ስለ ተቀበሩ ይሆን?]፡፡ እኚህ ፓትርያርክ ጌታ ሲዖልን ለ“ነቢዩ” ለማስጎብኘት ወደዚያው ጎራ ብሎ ሲያዩት፣ “አንተም እዚህ መጣህ” ሲሉ ጠይቀዋል፤ ወይም ተደንቀዋል (ገጽ 86)፤ (ምን ማለት ይሆን!)“ነቢይ” ዳንኤል በራእይ በናይጄሪያ እንደተመለከተው ደግሞ ብዙ የክፋት አሠራር ሲኖር፣ በሲናጎግ ቤ/ክ መሪ ጎን [ቲ ቢ ጆሽዋ] ጎን ጌታ ቆሞ፣ ከዳንኤል አጠገብ ደግሞ ተቀምጦ ነበር፡፡ በዚያች ቤ/ክም ጌታ “በሙሉ ኀይሉ ይሠራ ነበር፡፡” ጠላት በዚያች ቤተ ክርስቲያን ሕንጻ ላይ ከባድ ፍላጻ ሲወረውር፣ ጌታ ከነበረበት መንኮራኩር የተተኮስ ጸረ ሚሳይል ቢያከሽፈውም ስብርባሪው በቤተ ክርስቲያኒቱ የጸሎት ክፍሎች ላይ ጉዳት ያደርሳል … (ገጽ 33-34)፡፡ እያለ …. እያለ … እያለ … መጽሐፉ ይቀጥላል፡፡

    ውይ ረስቼው – “ነቢይ” ዳንኤል ይህን ራእይ እንደሚያይና መጽሐፉን እንደሚያሳትም በተደጋጋሚ በቄስ በሊና በኩል መልእከት መጥቶለት ነበር – “ለየት ያለና በዓለም ላይ አነጋጋሪ የሆነ መጽሐፍ” እንደሚጽፍ (ገጽ 1)፡፡
    “እውነተኛው ዓለም ሲገለጥ” – ፪

    “ምናልባት እመለስበት ይሆናል” ባልኩት መሠረት ተመልሻለሁ፡፡

    “ነቢይ” ዳንኤል በሲዖል ያገኛቸው ሌሎች አበሾችም አሉ፡፡ ለምሳሌ፣ አንድ እግሩን የተቆረጠው ታዋቂ የአገራችን ዘፋኝ፡፡ ይህ የሙዚቃ ንጉሥ በሲኦልም “እግሩ እንደ ተቆረጠ ነው የሚሠቃየው፤ ምክንያቱም “በምድር ሳሉ አካለ ጎዶሎ የነበሩ ሰዎች በሲኦል ውስጥም አካለ ጎዶሎ ሆነው ነው የሚኖሩት”፡፡ ስለዚህ ይህ የአገራችን እውቅ ዳንኪረኛ “በቂጡ ሲንፏቀቅ እና አንዳንዴም የተቆረጠ እግሩን እያወራጨ በደረቱ ሲሳብ” ይታያል፡፡ “ምነው ከነሙሉ አካሌ በሞትኩ! ለምን እግሬን አስቆረጡኝ” በማለት “ማባሪያ በሌለው ጸጸት እርግማን” ያወርዳል (ገጽ 114)፡፡ ስለዚህ በሕክምና ሊረዳው እግሩን ያስቆረጠውን የአገራችንን ቁንጮ ሀብታም “አንተም አትቀራት ትመጣታለህ፤ አንተም እንደ እኔ ሆነህ ነው ተቆራርጠህ የምትመጣት” በማለት ክፉ ናፍቆቱን ይገልጣል፡፡ “ሲኦል ራሷ የዚህን ሰው መምጣት ናፍቃ መቅበጥበጥ” ጀምራለች፡፡ ይህ “አለ የተባለ ሀብታም” በምድር በዊልቸር ላይ ሆኖ ይታያል፡፡ “በዓለም ላይ ባለ የሕክምና ማዕከል ሁሉ እየዞረ ቢታከምም ፈጽሞ መዳን አልተቻለውም” (ገጽ 115)፡፡ ይህ ሰው አዲስ አበባ ውስጥ የሚገኙ “ጥሩ ጥሩ ቦታዎችን ከመንግሥት በመውሰድ ሳያለማ፣ ይልቁንም ገንዘቡን በውጭ ባንኮች ነው የሚያስቀምጠው” በማለት ጌታ “በቁጣ እና በንዴት ተሞልቶ” ይመለከተዋል (እደግመዋለሁ – በንዴት)፡፡ ያኔ “ሰውዬው መንምኖ ልክ በእሳት እንደ ሟሸሸ ፌስታል ሆኖ … ዊልቸር ላይ ተቀምጦ ዝንቦች እና ትንኞች በአፉ እና በአፍንጫው ሲገቡና ሲወጡ” ያያል – “ነቢይ” ዳንኤል አበራ፡፡

    “ነቢዩ” አባቱን ሲኦል አግኝቶ በስሜት ተገፋፍቶ “ከእሳቱ ሊያወጣው ተነሥቷል” ጌታ ከለከለው እንጂ (ገጽ 119)፡፡ አብሮት ሴት የደፈረውን ጓደኛውንም አግኝቷል (ገጽ 80-81)፡፡ የአስቆሮቱ ይሁዳም ሲኦል ነው – ጌታን የሸጠበትን ምክንያት ደግሞ ጌታ ለ“ነቢይ” ዳንኤል ነግሮታል፤ ሰይጣን “ለምን እርሱን ሸጠህ የወደፊት መኖሪያህን መሬት አትገዛም?” ብሎ ስላግባባው ነበር (ገጽ 117)፡፡ ሴተኛ አዳሪዎችም ቤታቸው ሲኦል ነው፡፡ ከሴተኛ አዳሪዎቹ መካከል ሁለቱ ቀልቤን ስበውታል፤ አንደኛዋ ኮሎምቢያዊት ናት – አራቴ አርግዛ አራቴም ያስወረደች፡፡ በቀን እስከ 80 ወንዶች “አብረዋት እንዲተኙ” ታደርግ የነበረ፡፡ ሌላኛዋ ደግሞ አበሻ ናት – በሰባተኛ፣ በቺቺኒያ፣ በካዛንቺስ ትሠራ የነበረች፡፡ በ14 ዓመቷ ጀምራ በ29 ዓመቷ በሰካራም እስክትገደል ድረስ በ15 ዓመት ውስጥ “ከ46 ሺህ የተለያዩ ወንዶች ጋር ዝሙት ፈጽማለች”፡፡ ይህች ሴት የሰባተኛ ሴቶች “ጉድ እስከሚሉ ድረስ ያለማቋረጥ ከ50 እስከ 70 ወንዶች ጋር በየቀኑ ትዳራ ነበር” (ገጽ 85-96)፡፡ ሁለቱም ሲኦል እየንጨረጨሩ ነው፡፡ ጌታ የሌሎችንም ሴቶች የምድር ኑሮ “ላይቭ” ሲያሳየው፣ “ነቢይ” ዳንኤል “ወገኖቼ ሴቶች በማንኛውም ሁኔታ ውስጥ በውሸትም ቢሆን እንባቸውን ማፍሰስ እንደሚችሉ ለመገንዘብ ቻልኩኝ” በማለት የተማረውን ይናገራል (ገጽ 99)፡፡

    በሲኦል ውስጥ እያንዳንዱ የእምነት ዐይነት በየራሱ ስም የእሳት ጉድጓድ” አለው (ገጽ 90)፡፡ የቡድሃ ተከታዮች፣ የእርሱ ጓዳ የሆነው ጉድጓድ ነው የሚገቡት፡፡ የእንትና፣ (የዚያ ስም አይጠሬው) ተከታዮችም የራሳቸው ቦታ አላቸው፡፡ አላህ ስለ ተባለው ስምም ጌታ ምስጢሩን ለ“ነቢይ” ዳንኤል ገልጦለታል፤ “አላህ ማለት በመሀመድ ዘመን በመካከለኛው ምሥራቅ የፀሓይና የጨረቃ አምላክ ነኝ ብሎ ይሠራበት የነበረ ስም ነው፡፡ ስለዚህ ተከታዮቼ ፈጽመው ይህንን ስም ለእግዚአብሔር መጠቀሚያነት እንዳይጠቀሙበት አስታውቃቸው፤ አስጠንቅቃቸው” ብሎታል (ገጽ 134)፡፡ (ዐረብኛ ተናጋሪ ክርስቲያኖች ምን እንደሚውጣቸው እንጃ!)የሲኦል ሥቃይ እውነት ነው፤ ምክንያቱም ጌታ ለ“ነቢዩ” ዳንኤል እንደ ገለጠለት፣ “ሰው በሥጋው ሲሞት ነፍሱ ተመሳሳይ የሆነ የማይሞት ሰማያዊ ሥጋ ዳግመኛ ትለብሳለች፡፡ ከዚያም እንደምታያቸው ያስባሉ፡፡ እንዲያውም ሁሉም የስሜት ሕዋሶቻቸው በዐሥር እጥፍ አድገው ነው የሚኖሩት፡፡ ይህንኑ በቃሌ ላይ ተመልከቱት ታገኙታላችሁ፡፡” (ገጽ 112)፡፡ በሲኦል ያየው ሥቃይ አሰቅቆት “ነቢይ” ዳንኤል “በምድር ብዙ ቴክኖሎጂ አለ፤ ምን አለ ይሄንን እኔ ያየሁትን ለሰው ሁሉ የማሳይበትንና ሰዎችን ሁሉ ከጥፋት የምመልስበትን ጥበብ ጌታ ቢሰጠኝ” እያለ ሲያስብ፣ ጌታ “ልጄ ይህን ሁሉ የተመለከቱ ሰይጣኖች እንደ ሰው ልጆች ምሕረት አግኝተው ቢሆን በቅጽበት ዓይን ነበር የሚመለሱት፡፡ ሰው ግን ተላላ ነው፤ ሞኝ ነው” ሲል ይመልስለታል (ገጽ 145-46)፡፡ (ስንት ሰይጣኖች ናቸው ያሉት?)

    ሰይጣንና የክፋት ሰራዊቱ በምድር ብዙዎችን ለማሳት የሚሠሩትን ሥራ ሁሉ “ነቢይ” ዳንኤል ከጌታ ጋር ሆኖ አይቷል፡፡ የሰይጣን እቅዱ ብዙ ነው፡፡ ለምሳሌ “በአሜሪካውያኑና በአውሮፓውያኑ ትከሻ እስራኤልን በቴክኖሎጂ ጫፍ ማስቀመጥ አለብን” ሲል ያቅዳል (ገጽ 127)፡፡ ነገር ግን ሰይጣንና ሰራዊት በምድር ላይ እንዳሻቸው እንዳይፈነጩ ሁለት ነቢያት አስቸግረዋቸው ያያል፡፡ ሰይጣን እንደ ተናገረው ከሆነ እነዚህ ሁለት ነቢያት ትዳር እንኳን አይፈልጉም፡፡ የሚገርመው ጌታ ለ“ነቢይ” ዳንኤል እንደ ገለጠለት ከሆነ ከሁለቱ ሰዎች አንዱ ራሱ “ነቢይ” ዳንኤል ነው፡፡ ጌታም “ለዚህ ነው በምድርህ ኢትዮጵያ ለማንም ነቢይ እና ባለራእይ ተገልጬ በማላውቅበት መንገድ ለአንተ እየተገለጥኩልህ ያለሁት” በማለት ያስረዳዋል (ገጽ 124)፡፡

    ሰይጣን ንግግሩ ሁሉ ክፉ ነው፡፡ ጌታና “ነቢይ” ዳንኤል ይንቀሳቀሱባት የነበረች መጓጓዣ “በሰይጣን ንግግር ተናድዳ … ንግግሩ እንዴት ይገማል!” በማለት “ጌታዬ ላጥፋውን? አለች በብስጭት”፡፡ ጌታ ግን “ተዪው ቀን ተቀጥሮለታል በማለት በንዴት ሰይጣንን ይመለከተው ጀመር” ይላል ይኸው መጽሐፍ (ገጽ 148)፡፡

    በእርግጠኝነት መጽሐፉን እመለስበታለሁ፡፡
    “እውነተኛው ዓለም ሲገለጥ” – ፫

    መጽሐፉ ውስጥ ወሲብም ሆነ ልጅ መውለድ የኀጢአት ውጤት ተደርጎ በዚህ መልኩ ቀርቧል፤ “በአዳም ዘመን በኀጢአት ምክንያት ወደ ሰው ልጅ የመጣው ‘ብዙ ተባዙ ምድርንም ሙሏት’ የሚለው የአምላካችን የእግዚብሔር ትእዛዝ … ለዝሙት መናፍስት ውስብስብነት” በሰበብነት ተጠቅሷል (ገጽ 155-56)፡፡ የሰው ልጅ ሲፈጠር ለመውለድ አልነበረም፤ ሔዋን ስትፈጠር ለወሲብ አልነበረም፡፡ መውለድ የኀጢአት ውጤት ነው፤ መወለድ፣ መወለድ፣ እናትነት የኀጢአት ውጤት ነው – በ“ነቢይ” ዳንኤል ገለጻ መሠረት (ገጽ 157)፡፡

    መጽሐፉ ውስጥ የአንዳንድ ግለሰቦች የሕይወት ታሪክ ተተንትኖ ቀርቧል፤ ለምሳሌ ከኤች አይ ቪ የተፈወሰና ለአገልገሎት የተጠራ ኢትዮጵያዊ ታሪክ፡፡ አንድ ቦታ ላይ ጌታ እንዲህ ይለዋል፤ “በአንተ ውስጥ ያለው ደሜ ነው፤ ማንም ሰው በእምነት ቢነካህ አንተም ደግሞ ሰዎችን ብትነካ ካሉባቸው ከማንኛውም ደዌ ነጻ መውጣት ይችላሉ” በማለት እጅግ የከበሩ መንፈሳዊ ማእረጎችን ካስያዘው በኋላ “የቃልኪዳን ቦታ ወደ ሆነችው ቤተልሄም ከተማ እስራኤል አገር ውስጥ በሚገኝ ከፍታ ቦታ ወስዶት ‘አንተም ላትተወኝ እኔም ላልተውህ እነዚህ ጠጠሮች ምስክሮች ናቸው’ በማለት 12 ጠጠሮችን ወደ ገደሉ እንዲወረውር” ያደርገዋል (ገጽ 193-94)፡፡ ይህ ሰው ብዙ ነገር ይገለጥለታል፤ ለምሳሌ፣ “መለስ ዜናዊ ከመሞቱ ከሁለት ዓመት በፊት ተገልጦለት ይጸልይ እና ያስጸልይ ነበር” (ገጽ 195)፡፡ በተጨማሪም፣ ይህ ሰው 15 ሚሊዮን የሚደርሱ የአንድ ሃይማኖት ተከታዮች በአክራሪ ቡድን ገፋፊነት አዲስ አበባ ገብተው የተለያዩ የመንግሥት ተቋማትን በቁጥጥራቸው ሥር ሊያውሉ ሲዘጋጁ ጌታ ገልጦለት “የአገሪቱን የጸጥታ እና የደህንነት ሚኒስትር በስልክ ካገኛቸው በኋላ ማንነቱን ሳይገልጥ መረጃውን ያስተላልፋል፡፡ በዚህ መሠረት መንግሥት ወደ ከተማዪቱ መግቢያ በሮችን ሁሉ ተቆጣጥሮ ተረፍን (ገጽ 195)፡፤

    ሌላው አስገራሚ ነገር ስለ ገነት የቀረበው ትንተና ነው፡፡ ገነት አስፓልቱ ሳይቀር “እንደሚራመዱበት ሰዎች ፍላጎት የሚቀያየር ነበር” (ገጽ 209)፡፡ በምድር አካለ ጎዶሎ የነበሩ ሰዎች ሙሉ አካል ይኖራቸዋል (ገጽ 212)፡፡ በገነት የሚገኘው ሳር ተክል ሁሉ ራሱን የሚከረክምና የሚንከባከብ ነው (ገጽ 212፣ 225)፡፡ ሰዉ በመንግሥት ሰማያት በፈለገው የዕድሜ ደረጃ የመሆን መብት ነበረው፡፡ ለምሳሌ ገና በተወለዱ በቀናት ዕድሜ ያሉ ሕፃናት እዚህ ስፍራ ከመጡ በኋላ ሲፈልጉ ጎልማሳ፣ ሲፈልጉ አዛውንት፣ ወይንም ወጣት የመሆን መብት እንዳላቸው ተረዳሁ፡፡ እንዲሁም ሽማግሌ ሆነው የመጡ ሕፃን ወይም ወጣት የመሆን መብት ነበራቸው (ገጽ 212)፡፡

    “ነቢይ” ዳንኤል በገነት ያያቸው የመጽሐፍ ቅዱስ ቅዱሳን አሉ፡፡ ለምሳሌ አብርሃም “በመሰጠት”፣ ማርያም “በብዙ ደስታ በመንፈስ” ሲዘምሩ፣ ጳውሎስ፣ ሙሴና ኤልያስ “ዝማሬውን እየመሩ ያስዘምሩ ነበር” (ገጽ 222)፡፡ በዚያ የሙዚቃ መሣሪያ ተጫዋቾችም ነበሩ፤ ግማሹ ሲዘምር ሌላው ሙዚቃ ይጫወታል – የድምፅና የሙዚቃ መሣሪያው ውህደት የሚቀናጀው በጴጥሮስና በማርያም የጣት ምልክት ነበር (ገጽ 223)፡፡ ሌሎች ሰማዕታትም ነበሩ፡፡ ለምሳሌ ኦሮምኛና አማርኛ አቀላጥፋ የምትናገር ዴንማርካዊት፤ እንዲሁም “ማርያም አታማልድም” በማለቷ የተገደለች ቬትናማዊት መነኩሴ (ገጽ 227)፡፡ “አብዮቱ ይቅደም በሉ” ሲባሉ፣ “ኢየሱስ ይቅደም” በማለታቸው የተገደሉ ኢትዮጵያዊም በገነት ነበሩ፡፡ እሳቸው መልእክት ልከውልናል፤ “የምድራችሁ ዐፈር ደም አለበት፡፡ በእኛ ደም ነው ነጻነት የመጣው፡፡ እናም ስትራመዱ ቀስ በሉ” የሚል (ገጽ 227)፡፡

    በገነት መንፈስ ቅዱስ የሰው ልጆች ልብስ ሆኖ አይቷል – “ነቢይ” ዳንኤል (ገጽ 235)፡፡ ቅዱሳኑን ሲመለከታቸውም ዕድሜያቸውን እንዲያውቅ አየሩ ላይ ዲጂታል በሚመስል ቁጥር ይጻፍለታል – የዕድሜአቸው ቁጥር በመቶ ሺዎች የሚቆጠር ነበር (ገጽ 235)፡፡ ቢሆንም ግን በዚያ ትዝታ የሚባል ነገር የለም፡፡ ነገ የሚባል ነገርም የለም፡፡ የጊዜ አጭር ወይም የጊዜ ረጅም የለም (ገጽ 236)፡፡

    በገነት ብዙ መኖሪያ ቤቶች እየተሠሩ ነው፡፡ ከመኖሪያ ቤቶቹም አንደኛውን አንድ መልአክ አስጎብኝቶታል፤ ለ“ነቢይ” ዳንኤል፡፡ “ቤቱ ጂ ፕላስ ዋን ሆኖ፣ ነገር ግን በሚኖርበት ሰው ፍላጎት መሠረት እስከ 500 ፎቅ ድረስ ሊደርስ እንዲችል” ተደርጎ የተሠራ ነው (ገጽ 232)፡፡ ነዋሪዎች “የቤታቸውን ቀለምና ዲዛይን በፈለጉት ዐይነት” ይቀያይራሉ (ገጽ 234)፡፡ ቤቶቹ ውስጥ “ፎቴዎች፣ ዘመናዊ ላይብራሪና ድሮወሮች፣ ሼልፎች ወዘተ ..” አሉ (ገጽ 233)፡፡ በዚያ ያሉ ቅዱሳን “ከእጃቸው በሚወጣ ጨረር መሳይ ነገር … ቁጭ ብለው … አየሩን እንደ መቅዘፍ እያሉ ትልልቅ ዕቃዎችን ሳይቀር” ያንቀሳቅሳሉ (ገጽ 233)፡፡ የሚያማምሩ ፎቆች በአየር ላይ ሳይቀር ይገነባሉ (ገጽ 234)፤ “አንዳንድ ቤቶች ያለ ምንም ድጋፍ በአየር ላይ እየተንሳፈፉ ነበር አገልግሎት የሚሰጡት (ገጽ 236)፡፡ ከተማዋ ገና እየተገነባች ነው፤ አላለቀችም (ገጽ 236)፡፡

    በዚያ ስፍራ የመላክእት ካምፕም አለ፡፡ ሰይጣን አንዳንዴ ወደ መላእክት ካምፖች ተመላልሶ ይገባ ነበር፡፡ ግና የኢየሱስን ተከታዮች ለመክሰስ ያመጣውን ፋይል ጌታ ከእጁ ነጥቆ ሲያቃጥልበት፣ እንደ ከሰረ ነጋዴ ብቻውን እያወራ በአየሩ ላይ ይዋትትና ይዞር ነበር (ገጽ 248)፡፡ ቅዱሳን የጸሎት መልሳቸውን ይዘው የሚመጡ መላእክት እንዳያዩ እርኩሳን መላእክት በደመና ተከልለው እይታን ይጋርዳሉ (ገጽ 250)፡፡ መብረቅ የሚልኩት ደግሞ መላእከት ናቸው – ሰይጣንን ለመዋጋት፡፡ መላእክቱም የተሠሩት ከውሃና ከእሳት በመሆኑ ይህን ዐይነቱን ፍልሚያ ይመርጣሉ፡፡ ሰይጣን በየቁሳቁሱ እየተደበቀ ቅዱሳንን እንዳያጠቃ በዚህ መንገድ ይፋለሙታል (ገጽ 251)፡፡ ቅዱሳን እና ርኩሳና መላእክት ብዙ ጊዜ ይፋለማሉ፡፡ አንዳንዴ ርኩሳኑ መናፍስት በቅዱሳን መላእክት እየተጨፈጨፉ አመዳቸው አየሩን ይሞላዋል፡፡ አንዴ ደግሞ “ሰይጣን ኮተቱን ጥሎ ከሚካኤል ጋር ለመዋጋት አፈረ፡፡ ‘ለምን ይሆን?’ ብዬ ሳስብ የሰይጣን የቀኝ ዐይኑ ተጎልጉሎ በሚካኤል እጅ ተመለከትኩት፡፡ ዐይኑን በሰይፉ አውጥቶት ነበር በቅጽበት፡፡ ያኔ ታዲያ ወደ ሲኦል በመውረድ ሌላ ዐይን ለመግጠም የተለያዩ ዘዴዎችን ሲሞክር ተመለከትነው” – ይለናል “ነቢይ” ዳንኤል (ገጽ 252)፡፡

    “ነቢይ” ዳንኤል ገሀነምንም አይቷል፡፡ “እሳቱ ፍጥረት ከተፈጠረበት ቀን ጀምሮ የሚንቀለቀል እሳት ነው” ጌታ እንዳለው፡፡ በሩ ላይ “የእሳቶች አባት” የሚል መግለጫ ተለጥፏል፡፡ የእሳቱን ጉልበት ለ“ነቢይ” ዳንኤል ለማሳየት “ጌታም አንዱን ጋላክሲ ሙሉ በእጆቹ ስቦ ለእሳቱ ሰጠው፡፡ እሳቱ ከዐይን በፈጠነ ሰከንዶች ጊዜ ውስጥ ሙሉ ጋላክሲውን አቃጥሎ ዐመዳቸውን በደቂቃ ውስጥ ሲበላ ተመለከትሁ፡፡ … በጌታ የተወረወረው ጋላክሲ እያንዳንዱ ከመሬት 10 ዕጥፍ የሚሆኑ 8 ፕላኔቶችን የያዘ ነበር” (ገጽ 254)፡፡ እሳቱን ያየችው መጓጓዣቸው (የብርሃን ሉል) እንኳ “አንተን የማያምን ሰው እንዴት ይኖራል? ሰው የሆንከው ለእነርሱ አይደል እንዴ? ጉድ ነው፤ ይሄንን ሁሉ ፍቅር ቸል የሚል ካለ” በማለት በሰው ልጆች ልብ ድንዳኔ ታዝናለች (ገጽ 255)፡፡

    በሚቀጥሉት ጊዜአት ስለ ኢትዮጵያ የተነገሩትን ትንቢቶች እና የወደድኳቸውን እና መጽሐፍ ቅዱሳዊ እንደሆኑ የማምናቸውን ሐሳቦች ለመግለጥ መመለሴ አይቀርም ፡፡
    “እውነተኛው ዓለም ሲገለጥ” – ፬

    ስለ ኢትዮጵያ

    “በጌታ በተመረጡ ፓስተሮች እና ነቢያት፣ እንዲሁም አገልጋዮች በአንድ ታዋቂ ናይጄሪያዊ ፓስተር እየተመሩ ወደዚህ በረከት [የአፍሪካ በረከት] ሲታደሙ አየሁ፡፡ እነርሱ ብቻ አልነበሩም፤ የአፍሪካ መሪዎችም በኢትዮጵያዊው አባት እየተመሩ መጥተው በረከታቸውን ከእኚህ አባት እጅ በመረከብ ላይ ሳሉ ዙሪያቸውን የእግዚአብሔር መላእክት ቆመው ሥርዐቱን ሲያስተባብሩ ሳሉ ብዙ አጭበርባሪ እና ሐሰተኛ ፓስተሮች፣ ነቢያትና አገልጋዮች በጌታ ትእዛዝ በመላእክቱ በእሳት ታጥረው ወደ በረከቱ እንዳይገቡ ሲከለከሉ ተመለከትሁ” (ገጽ 69)፡፡

    ጌታ እንደ ተናገረው (በዚህ መጽሐፍ)፣ የቅዱስ ያሬድ ዜማ በመንፈስ ቅዱስ የተሰጠ ነው (ገጽ 228)፤ ስለ ኦርቶዶክሳዊ አለባበስም ጌታ እንዲህ ይላል፤ “በኦርቶዶክስ ቤተ ክርስቲያን … እህቶች በይበልጥ ትኩረት አድርገው ገላቸውን መሸፈን፣ ለሌላው ማሰብን፣ በሥጋው እኔን ማክበራቸውን፣ ወደ መቅደሴ ሲመጡ የሚለብሱትን አለባበስ እወደዋለሁ፡፡ በቤቴ ውስጥ በአክብሮት ለረጅም ሰዓት ቆመው ማምለካቸውን፣ በጾምና በጸሎት መትጋታቸውንም፣ እንዲሁም እንደ ማህተማቸው የመስቀሌን ምልክት ማድረጋቸውም ልክ ነው፡፡ ማማተባቸውንም አትንቀፉ፤ እነርሱን ነቅፋችሁ ብዙ ሕዝቦቹ በዐንገታቸውና በቀለበታቸው ባዕዳን ምልክቶችን ከሚያደርጉት የእነርሱ ይሻላል፡፡ ለመምህሮቻቸውም ያላቸው አክብሮት መልካም ነው፡፡ ብቻ አምልኳቸው ከልብና በቅንነት ይሁን እንጂ በእንደዚህ ዐይነት ሥርዐት ከዚህ ክፉ ዘመን መጠበቁ ትክክል ነው” (ገጽ 229)፡፡

    በመጨረሻው ዘመን፣ “በእስራኤል ያለው የጽዮን ተራራ ከዓለም ተራሮች ሁሉ በላይ እጅግ ከፍ ብሎ” ይወጣል፡፡ “በተመሳሳይም በምሥራቅ አፍሪካዊቷ ኢትዮጵያ የሚገኘውም የራስ ዳሽን ተራራ ከእስራኤሉ ተራራ ቀጥሎ ከሌሎች ተራሮች ሁሉ ከፍ እያለ” ይሄዳል፡፡ “ከዚህ በኢትዮጵያ ካለው ተራራ ውጪ ያሉት የዓለም ተራሮች በሙሉ ለእስራኤሉ ተራራ” ይሰግዱለታል – “ነቢይ” ዳንኤል እንደ ተመለከተው፡፡ “በእስራኤሉ ተራራ ላይ … በምስጢር አጋንንታዊ የሆነ 666 ቁጥር ተጽፎበት የተሻሻለ የእስራኤል ባንዲራ” ሲሰቀልበት፣ “በኢትዮጵያ በሚገኘው የራስ ዳሽን ተራራ ላይ ደግሞ የመስቀል ምልክት ያለበት የኢትዮጵያ ባንዲራ ተሰቅሎበት” ነበር፡፡ “አንድ ግዙፍ እጅ ከሰማይ ተዘርግቶ ከእስራኤሉ ተራራ ይልቅ የኢትዮጵያን ራስ ራሸን ተራራ ወደ ላይ ከፍ ሲያደርገው አየሁ” ተብሏል፡፡ “የዓለም አገሮች ሁሉ ሀብት ተሰብስቦ ወደ እስራኤል እና ኢትዮጵያ ይመጣል” (ገጽ 259)፡፡

    ነዳጅ በዓለም የአየር ንብረት ላይ በሚፈጥረው ጉዳት የተነሣ የተባበሩት መንግሥታት የነዳጅ ሽያጭን ያግዳል፤ አማራጭ የኀይል ምንጮች ይገኛሉ፡፡ የዐረብ አገራት ይደኸያሉ (ገጽ 260-61)፡፡ “እስራኤልም ባገኘችው ምቹ አጋጣሚ አማካኝነት የእስልምና ማእከል የሆነችውን የመካ መዲና ከተማን እና በውስጧ የአላህ ቤት ተብሎ የሚታመነውን ጥቁር ካባ በማጥፋት የሳኡዲ አረቢያ መንግሥት ከሃይማኖት ተጓዦች የሚያገኘውን ገቢ ታስቀራለች” (ገጽ 262)፡፡ በሸሪያ ሕግ የተሰላቹ “የአረብ አገራት ዜጎች የክርስትና አስተምህሮ በአገራቸው ያለ ገደብ እንዲስፋፋ” ዐመፅ የተቀላቀለበት ተደጋጋሚ ሰልፍ ያካሂዳሉ (ገጽ 262)፡፡ “የኢትዮጵያ ኢኮኖሚ ከአፍሪካ አገራት በላይ ከፍ ብሎ ያድጋል” (ገጽ 263)፡፡ ዐረቦች በኢንቨስትመንትና በልማት ስም ወደ አፍሪካ ይሸሻሉ፡፡ የዐባይን መነሻ ለመቆጣጠር፣ … የኢኮኖሚና የፖለቲካ የበላይነት ለመያዝና እስላማዊ መንግሥት ለመመሥረት ባላቸው ፍላጎት ከ2020 በኋላ ዐረቦች በኢትዮጵያ ከፍተኛ የኢንቨስትመንት እንቅስቃሴ ያደርጋሉ (ገጽ 264)፡፡ ምዕራባውያንና እስራኤል ደግሞ ኒውክሊየርን ጨምሮ የተለያዩ የጦር መሣሪያዎችን በማስታጠቅ የኢትዮጵያን ሠራዊት ከዓለም ኀያላን ጋር ያስተካክሉታል (ገጽ 265)፡፡

    ከዚያ በኋላ እንደገና ድኻ የሆኑ የአረብ አገራት ነዋሪዎች “ሥራ ፍለጋ እና ምግብ ለማግኘት የኢትዮጵያ ሴቶች እንዳደረጉት ስማቸውን እና ሃይማኖታቸውን እየቀየሩ ወደ ኢትዮጵያ ይሰደዳሉ (ገጽ 264)፡፡ ከ2014 ጀምሮ አሜሪካና ቻይና በሚያደርጉት ፉክክር የቴክኖሎጂ ሽግግር በኢትዮጵያ ይሆናል፡፡ የኢትዮጵያውያን ሃይማኖተኝነት ሃይማኖት አልባ ምድር የመመሥረትን የሰይጣን ዓላማ ያከሽፋል፡፡ ስለዚህ “ሰው ሁሉ ምድሪቱን ሲረግጥ ይፈወሳል” (ገጽ 268)፤ “የዚህችን ምድር ዐፈር የረገጠ ሰው ሁሉ ፈጽ ካለበት ከማናቸውም ዐይነት ችግር ነጻ ይወጣል”፤ ያሬዳዊ ዜማ የዓለም ክርስቲያኖች ዜማ ይሆናል (ገጽ 269)፡፡ አገሪቱ የኢኮኖሚም የመንፈሳዊም ማማ ትሆናለች (ገጽ 267)፡፡ በመጨረሻም የክርስትና ደሴትነቷ ይገለጣል (ገጽ 268)፡፡

    “ተንኮልና ራስ ወዳድነት ከአበሻው ሕዝብ ላይ ይመታል፡፡” ኢትዮጵያና ኤርትራ “በመላቀስ እና በመነፋፈቅ ወደ አንድነት ያለ ማንም ግፊት ይመጣሉ፡፡ … በኤርትራ ያለው መንግሥት መሪ በቅርብ ዓመታት ውስጥ” ይሞታል፡፡ የንስሓ መንፈስ ይፈስሳል፡፡ ይህን የሚቃወም ፖለቲከኛን ጌታ “እስከ ዝርያው” ይቀጣዋል፡፡ “የአፍሪካ አገራት ከ2030 በኋላ ለኢኮኖሚያዊ እና ማኅበራዊ አገልግሎቶች አንድነትን ያጸድቃሉ” (ገጽ 268)፡፡

    ኢትዮጵያ፣ ኬንያ እና ኡጋንዳ ነዳጅ ላኪዎች ይሆናሉ፡፡ “ኢትዮጵያም በዚሁ ዓመት መጀመሪያ ላይ በይፋ ከዓለም ነዳጅ ላኪ አገራት ተርታ ትሰለፋለች”፡፡ ማዕድን ለጉድ ይታፈሳል (ገጽ 271)፡፡ ኢትዮጵያ ነዳጅ የምታወጣው ነዳጅ ከዓለም ገበያ ከመታገዱ በፊት እንደ ሆነ መጽሐፉ ገልጾታል፡፡

    የመጽሐፉን ጠንካራ ጎኖች እና ሽፋኑን ይዤ እከሰታለሁ፡፡
    “እውነተኛው ዓለም ሲገለጥ” – ፭

    1 – “ነቢይ” ዳንኤል ባያቸው ገነት እና መነግሥተ ሰማያት ውስጥ ከወንጌላውያን ክርስቲያኖች በተጨማሪ እግዚአብሔርን በእውነት የሚፈልጉ ኦርቶዶክሶችና ካቶሊኮችም አሉ – “ጥቂት ኦርቶዶክሶችና ካቶሊኮች” በሚል ርእስ ተገልጸዋል (ገጽ 228-30)፡፡ ሲዖልም ውስጥ ወንጌላውያን ክርስቲያኖች (ፓስተሮች እና ነቢያትን ጨምሮ) ይገኛሉ፡፡ ይህን ወድጄለታለሁ፡፡ መጽሐፍ ቅዱስ እንደሚያስተምረን የመዳን መንገድ የሆነ የሃይማኖት ቡድንን መቀላቀል ሳይሆን፣ የክርስቶስ ተከታይ መሆን ነው፡፡ እናም ክርስቶስን በእውነት የተከተሉ ኦርቶዶክሳውያንና ካቶሊካውያን ገነት መገኘታቸው፣ ክርስቶስን መከተል ያልቻሉ ወንጌላውያን ወራጅ ቀጠና ውስጥ መገኘታቸው አልገረመኝም፡፡

    2 – “ነቢይ” ዳንኤል ገነትን፣ ሲኦልን፣ እና ገሀነምን አየሁ ብሏል፡፡ ወደ ገነት ወይም መንግሥተ ሰማይ መግቢያውን እና ከሲኦል እና ከገሃነም መውረጃውን ሰበብም በገልጽ አስቀምጧል፡፡ በ“ነቢይ” ዳንኤል አገላለጽ የድነት መንገድና ከኀጢአት መጽጃው መንገድ የኢየሱስ ሞት እና የከበረው ደሙ ነው ብቻ ነው፡፡ ይህ ተደጋግሞ ተገልጧል፡፡ ይህን ያመኑ ሲድኑ፣ የተሰጣቸው መልካም ዕድል ያልተጠቀሙቱ ተኮንነዋል፡፡ ይህንን ወድጄዋለሁ፡፡

    3 – እስልምና ሃይማኖት ተገቢውንና ልከኛውን ቦታ አግኝቷል – ከነመሥራቹ (ገጽ 74-77)፡፡

    4 – የድነት መንገድ ጥበቱ እና ሌሎቹ ሰፋፊ መንገዶች መጨረሻቸው አንድ መሆኑ በመሳጭ መንገድ ተተርኳል፡፡ ለምሳሌ፣ የተለያዩ ሰዎች በተለያየ መንገድ ሄደው መጨረሻ ላይ አንድ ቦታ ሲገናኙ የሚደነግጡት ድንጋጤ ያሳቅቃል፡፡ ጠባቡን የክርስትና መንገድ መርጠው ጥቂት ከሄዱ በኋላ መራመድ አቁመው አንዱ ቦታ ሲቸከሉ ዘመናቸው ዐልቆ “የሚወሰዱት” ሰዎች ሁኔታ ያሳዝናል፤ ያሳስባልም፡፡ በዚያው መንገድ ላይ ምግብ በቅርጫት በአናታቸው ተሸክመው የጠባቡን መንገድ ተጓዦች እየመገቡ የሚጓዙት ቁዱሳን ነገረ ሥራ እና ሊወድቁ ሲሉ ጌታ እንዴት እንደሚደግፋቸው ማንበብ ልብ ያሞቃል፡፡ በተለይ ይህ ታሪክ የጆን ቡንያንን “የመናኝ ጉዞ” መጽሐፍ ያስታውሳል (ገጽ 170-74፤ 177-79)፡፡

    5 – የዘመናችንን ቤተ ክርስቲያን ሁኔታና አንዳንድ መሪዎችን የገመገመበት መንገድ እውነተኛ ሆኖ አግኝቼዋለሁ፡፡
    ለምሳሌ ርኩሰት፣ ድንዛዜ እና የግል ጉዳይ ላይ ማተኮር፤ “ወዲያውም በምድር ያሉ የሰይጣን ወኪሎች አንዳንድ የእግዚአብሔር ታላላቅ ሰዎችን፣ ፓስተሮችን፣ ነቢትና እና አገልጋዮችን ውጊያቸውን አቁመው እርኩሰት እንዲሠሩ በመገፋፋት ሲያረክሷቸው ተመለከትኩ፡፡ ሌሎች ቅዱሳን ደግሞ በመታከት እና በድንዛዜ ሲመቱ አብዛኛዎቹ ወደ ግል ጉዳያቸው እንዲያተኩሩ ሲያደርጓቸው አየሁ” (ገጽ 65)፡፡

    ሌሎች በጸሎት ባስለቀቁት ስፍራ ላይ ሌሎች እንዴት እንደሚፈነጩ፡፡ “ጌታም ‘እነዚህ ታላላቅ የጸሎት ሰዎች ባስለቀቁት ሰማይ ነው ብዙ ነቢያትና ፓስተሮች በየመድረኩ የሚፈነጩት’ ሲለኝ ደነገጥኩኝ፡፡ … ፤ ‘እነዚህ የተነሸነፉ እርኩሳን መናፍስት ሐሰተኛ ፓስተሮች፣ አገልጋዮች እና ነቢያት በስውር ውስኪ ሲጠጡ፣ አንዳንዶቹ ደግሞ ከቅምጦቻቸው ጋር ሲዘሙቱ ተመልክተዋቸው ወደ እነርሱ በመግባት ብዙ አስጸያፊ ውሳኔዎችን ሲያስወስኗቸው አየሁ’” (ገጽ 67-68)፡፡

    “ጌታም እንዲህ አለኝ፤ ‘በምድርህ ላሉ እና በዓለም ላይ እኔን አገለግላለሁ ለሚሉ ሁሉ ጻፍ፤ እንዲህም በላቸው፡፡ ሥራህን ዐውቃለሁ፤ ነገር ግን ቅና፤ ተመለስ፤ በትውከትህ የተጨማለቀ ምግብ ለመንጋዬ አትመግብ፡፡ ቤቴን ኑሮህን ማሻሻያ አደረግኸው፡፡ በቃሌ እና በስሜ ጠፊውን ብር መለመኛ አድርገህ፣ ያም ሳያንስ በአንተ ንዝህላልነት ሌባው እንደ ፈለገ ሲያተራምስ አይተህ እንዳላየህ ሆንህ፤ ከዚያም ዐልፈህ ቤቴ በአንተ ተንኮል የታጠረ የዘረኝነት እና የጎሳ አጥርን ሠርተህ እኔ የቀባኋቸውን ገፍተህ ለአንተ የሚመቹህን ሰብስበህ በቲፎዞ እያስጨበጨብክ ቤቴን የራስህ ንብረት አደረግህ፡፡ ነፍሴን የሰጠሁለትን የኪዳን ቤቴን እንደ ልብህ ሐሳብ ስትፋንንበት ዝም ያልኩህ አይምሰልህ’” (ገጽ 68)፡፡ ‘አስመሰሉ፤ ሸቀጡ፤ ገንዘብን ሃይማኖታቸው አደረጉ፡፡ ሁሉንም ነገር ከጥቅማቸው አንጻር ነበር የሚያዩት፡፡ አንዳንዶቹ በቤቴም ውስጥ ሳይቀር ተቀምጠው የሕዝቤን በረከት ሲመዘብሩ ኖሩ፡፡ ለሰይጣን በገንዘባቸው አገለገሉት እንጂ ልጆቼ ሲራቡ፣ ሲጠሙ፣ ሲታረዙ፣ አገልጋዮቼ ቤት አጥተው፣ መኖሪያ አጥተው ሲንከራተቱ እነርሱ ግን ፎቅ በፎቅ ላይ፣ ሀብት በሀብት ላይ እያከማቹ ዓለሙን አትርፈው ነፍሳቸውን ለሞት ሰጧት፤ ጣሏት፡፡ … በአፋቸው ብቻ የእኔ ናቸው፡፡ ልባቸው ግን ገንዘብን ነው የሚያመልከው፡፡’ (ገጽ 104)፡፡
    ‘ለአገልግሎታቸው ዋጋቸውን በገንዘብ ከየሰዉ ይቀበላሉ፡፡ በዓለም ካሉ አገሮች መረጃ እየተለዋወጡ አንዱ አንድ አገር ከሄደ፣ በጸጋ ሳይሆን በቲፎዞ ሌላ ጓደኛው ደግሞ እንዲሄድ ያመቻችለታል፡፡ … ስለዚህ ንቄአቸዋለሁ … በየፓስተሩ እንደ ወጡና ስማቸውን እንደ ሰቀሉት፣ ውርደታቸውም በፖስተሮች ይሰቀላል፡፡ … ያኔ ብዙዎች በእናንተ ላይ ሲነሡ እኔ ነኝ ድጋፍ ሆኜ ያሻገርኳችሁ፡፡ አሁን ደግሞ እናንተ ማኅበር ፈጥራችሁ እውነተኛውን እና ቅዱሱን ታሳድዳላችሁ፡፡ ወዮላችሁ የሐሰት ነቢያት ነን ባዮች ሸቃጮች ሆይ ራሳችሁን ስትሾሙ እና ክብሬን ስትሸፍኑ አይታወቃችሁም፡፡ … ሕዝቤ አንድ ላይ እየዘመረ ልቡ ግን እጅግ የተለያየ ነው፡፡ ፈጽሞ መቀባበል የለም፤ ሕዝቤ ፍቅርን ጥሏል፤ እኔ ከተለያየ ስፍራ አሰባስቤው ነገር ግን እርስ በራሱ ውስጡን ይገፋፋል፡፡ ሁሉም በዚህ ዘመን ‘እኔ እሻላለሁ’ ነው የሚለው፡፡ አገልጋይ ለአገልጋይ መቀባበል የለም፡፡ አገልጋይ ነኝ የሚል ብዙ ሰው ጊዜውን በተለያየ ቦታ በመዝናናት ነው የሚያሳልፈው፡፡ አንዱ ከአንዱ ሥር ቁጭ ብሎ ለመስማት ይከብደዋል፡፡ እኔነት በሕዝቤ መሐከል ነግሦ አለ፡፡’ (ገጽ 126)፡፡

    ይህን ደግሞ የተናገረው ሰይጣን ነው፤ ዓላማውን ለተከታዮቹ ሲያብራራ፤ “ልክ እንደ ምዕራባውያኑ የተበከሉ ወንጌሎችን እንዲቀበሉ የቤተ ክርስቲያን መሪዎችን በሕዝቡ ፍላጎት ላይ የተመሠረቱ አስተምህሮዎችን እንዲያስተምሩ ማበረታታት፣ በሕዝቡ ተቀባይነት እንዲያገኙ ማድረግ፡፡ … ገንዘብ የሰው ልጅ ጌታ እንዲሆን ገንዘብ ለማግኘት ሲሉ የፈለጉትን ቢያደርጉ ችግር እንደሌለው እንዲያስተምሩ ማድረግና ወደ አጠቃላይ ግባችን ሃይማኖት የለሽ ወደ ሆነ ማንነት እንዲመጡ ማብቃት” (ገጽ 149)፡፡
    “ነቢይ” ዳንኤል ይቀጥላል፤ ስለ ፖርኖግራፊ ሱስ፡፡ “ወጣት ሴቶችና ወንዶች በቤተ ክርስቲያን ውስጥ በተለያዩ አገልግሎቶች ውስጥ ያሉትን ሳይቀር በዚህኛው ሱስ ታስረውና ተተብትበው እመለከት ነበር፡፡ በኋላም ሥነ ልቦናቸው እጅግ የዘቀጠ ትውልድ ሆነው ነበር፡፡ … ያገቡ አገልጋዮች ጭምር እንደዚህ ዐይነቱን ኀጢአት የሚለማመዱት በድብቅ ነበር፡፡ ከፓስተሮች እስከ ተራው ሰው፣ ከመሃይም እስከ ተማረው ድረስ በዚሁ ፖርኖግራፊ ሱስ ተጠምደው እመለከት ነበር” (ገጽ 152)፡፡

    ቀጣዩ ንግግር ደግሞ የጌታ ነው፤ “ብዙ በቤተ ክርስቲያን የነበሩ ዘማሪዎችና ሙዚቀኞች አብዛኞቹ በዓለም ዘፈን ተጠምደዋል፡፡ ብዙዎቹ ቤተ ክርስቲያን ያሉ ወጣቶች እራሳቸውን ለዝሙት በሚያነሣሣ አልባሳት ሸልመዋል፡፡ በየጎዳናው ብዙዎችን ያስታሉ፡፡ ያዘሙታሉ፤ ይዘሙታሉ፡፡ አንዲትን ልጅ ዐይቶ የተመኛት ከእርሷ ጋር በአካል ዝሙት ያደርጋል፡፡ ስለዚህ አንዳንዶቹ በቤቴ ውስጥ በእንደዚህ ዐይነት ከብዙዎቹ ጋር በቀን እየረከሱ ይውላሉ፤ አይፈሩም፤ ምክር አይሰሙም፡፡ ብዙዎቹ ይህን እያደረጉ ያገለግላሉ፤ መድረክ ላይ ይቆማሉ፡፡ አሁን እሽቅድምድሙ ማን የበለጠ ያስታል ነው፡፡ … በአንዲት ሴት አለባበስ ምክንያት ቀኑን ሙሉ 10 ሰዎች ቢስቱ እርሷም ከአሥሩም ጋር ዝሙት እንዳደረገች ይቆጠራል፡፡ … ሴቶች ልጆቼ እናንተ እራቁት ስለሄዳችሁ ለእናንተ ምን ይተርፍላችኋል?” (ገጽ 154)፡፡

    የዘመኗ ቤተ ክርስቲያን ባለቤቶች ገንዘብ ወዳድነት ደግሞ ተደጋግሞ ተጠቅሷል፡፡ “የብሉይ ኪዳን የአስራት ሕግጋትን ለገንዘብ መሰብሰቢያ እየጠቀሱ እራስን ከመስጠት የሚጀምረውን የአዲስ ኪዳን ክርስትና ወደ ጎን በመተው ሕዝቡን በሕግ በማሰርና በመተብተብ ለሕዘቡ ኑሮና ሕይወት ግድ የሌላቸው መሪዎች ብዙ ናቸው፡፡ በዓለም ውስጥ ያሉ ችግረኞች እንኳን ሕዝቤን በስስታምነቱ እንዲያውቁት አድርገዋል፡፡ በዚህም ምክንያት ብዙ በማሕበራዊ አገልግሎት ሊድኑ የሚገባቸው ምንዱባን ተሰነካክለው ይቀራሉ፡፡ … ብዙ ሰዎች ባማረ ቤት ላይ ቤት ደራርበው ሲኖሩ፣ እኔ የፈጠርኳቸው ሰዎች በየሜዳው ወድቀው ተመልካች አጥተዋል፡፡ … ያደረጋትን ጥቂት መልካም ነገር ጥሩንባ እያስነፋ፤ በዙ ሐብትን ከሕዝብ ሲያፍስ እየኖረ፣ “እኔ ድኛለሁ” ሲል አያፍርም፡፡ እኔ ስለተጠራው ስሜ ስል፣ እኔን ተስፋ አድርጎ ስለመጣው ሕዝብ ስል፣ በጉባኤ በምሠራው ተአምር ማስታወቂያ እያስነገሩ፣ ከበሮ እያስመቱ በእኔ ስም በተሸፈነ እኔነታቸው እየተመኩ፣ ….፡፡ እኔ በከፈትኩላቸው በር አውሬው ገብቷል፡፡ አንዳንዶቹ ከአጋንንት የሆኑ ተአምራቶችን ሳይቀር እየተለማመዱ ነው” (ገጽ 162)፡፡ “ከእኔ ይልቅ ለስምምነታቸው፣ ለባህላቸውና ለክብራቸው ትልቁን ቦታ ይሰጣሉ፡፡ … እራሳቸው እንኳን ሊኖሩት የማይችሉትን ሕግ በሕዝቤ ላይ ይጭናሉ፡፡ … ድካማቸውን ደብቀው ሁልጊዜ የራሳቸውን ጽድቅ እና ታላቅነት፣ እንዲሁም ስላደረጉት ጠንካራ ነገር ብቻ እያወሩ ይኖራሉ፡፡ ይህን ተረት ተረታቸውን ሕዝቤን በጫንቃው ላይ ይጭኑበታል፡፡ በእምነት ወደሚገኝ መንፈስ ቅዱስ ድካሙን ወደሚያግዘው እንዳይደርስ ይከለክሉታል፡፡ ስለ ኀጢአትና ስለ መተላለፍ የሚደርስን ወቀሳ ሁሉ አግኝቶ ወደ ሕይወት የሚያደርሰውን መንገድ ይዘጉበታል” (ገጽ 164-65)፡፡

    6 – መጽሐፉ ለድኾች የሰጠው ትኩረት ተገቢ ነው፡፡

    “በሚሊዮን የሚቆጠሩ ምንዱባኖች በሞሉባት አገር ቁጭ ብለው … እንደ ቤተ መንግሥተ የሆነ ቤት ባለቤት ናቸው፤ ቅንጡ የሆኑ መኪኖችን ይነዳሉ፤ … የግል ጠባቂ አላቸው፤ ነገር ግን እንዳየኸው ብዙዎች በየሰከንዱ ሲኦል ይነጉዳሉ፡፡ ለእነርሱ ከዚህ ይልቅ የባንክ ብራቸው ያስጨንቃቸዋል፡፡ ምዕመኖቼን እንኳን በፍቅር ቀርበው ለመሳም ይጸየፋሉ፡፡ በየቤተ ክርስቲያናቸው አጠገብ ብዙዎች በረሃብ፣ በበሽታ፣ ደራሽ አጥተው ይረግፋሉ፡፡ ታዲያ ለእነዚህ ማን ይድረስላቸው? ኧረ ማንን ልላክ? … ሌሎችን እንኳን ስለ ማካፈል ሊያስተምሩ ቀርቶ በየስማቸው ቤተ ክርስቲያን ከፍተው ያለ ማቋረጥ ይበዘብዙታል፡፡ የእኔ ሕዝብ ድኻ ይሁን እያልኩ አይደለም፡፡ ነገር ግን በመጠን መኖርን መማር አለባቸው፡፡ መሪዎችም እንደ ታማኝ የእኔ አምባሳደር፣ በእኔ ቦታ ተወክለው የችግረኞች መጠጊያ፣ የረሃብተኞች መጋቢ፣ ለሥራ አጦች ሥራ ፈጣሪ፣ ለስደተኞች ከለላ፣ ለኀጢአተኞች ምሕረት አድራጊ፣ የመማጸኛ ከተማ፣ የበሽተኞች አስታማሚ፣ የእስረኞች ተስፋ፣ የሰው ልጆች ችግር መፍትሔ እንድትሆኑና የሕይወት እንጀራ መጋቢና አብሳሪ፣ ዘር ቋንቋ ሳትለዩ ያለማዳላት እንደ ቃሌ የምትፈርዱ፣ ጧሪ የሌላቸውን የምታስጠጉ፣ መጠጊያ እንድትሆኑልኝ ነው ለሥራዬ የወከልኳችሁ፡፡ ይህንን ከሚያደርጉ ጋር ነው የእኔ ሕብረት” (ገጽ 163)፡፡

    “በቤቴ ውስጥ በድፍረት ፍትሕ ይዛባል፤ ፍትሕ ይጎድላል፤ መጻተኛው ይገፋል፤ ድኾችን አግልለው በስማቸው ይነግዳሉ፤ መዝሙሬንና ቃሌን ባማሩ ቃላት እየከሸኑ ሳይኖሩበት እንደ ፈለጉ እየዘሞቱና በኀጢአት ተሞልተው ለገንዘብ ማግኛና ኑሮን ለመለወጫ ይጠቀሙበታል፡፡ በዓለም ዙሪያ በየማሳጅ ቤቱ የሚዘሙቱን አገልጋዮቼ ሆነዋል፡፡ በጋብቻ ላይ ቅምጥ አላቸው፡፡ በየመጽሔቶችና በቴሌቭዥን … ያልሠሩትን ሥራ፣ ያልሆኑትን ሆንን እያሉ፣ ገንዘብ እየከፈሉ ማስታወቂያ እያስነገሩ ሕዝቤን ይበዘበዛሉ፡፡ መማለጃ ጉቦን እየተቀበሉ በደላላ በግልጽ መድረክን ይቀባበላሉ፤ ይሞከሻሻሉ እንጂ የእውነት ምስክር ሆነው አይቆሙም፡፡ በዚህም ቤቴን የቅሚያና የዝርፊያ አድርገውታል፡፡ … ሥራችሁን ዐውቃለሁ፤ በላያችሁ የአሕዛብን ነገሥታት ልብ አስነሳለሁ፤ በግብር ያስጨንቋችኋል፡፡ እንደ ፈለጋችሁ ዐሥራቴንና በኩራቴን እንዲሁም የፍቅር ስጦታዬን በግል አካውታችሁ ከትታችሁ ብቻችሁን ፈላጭ ቆራጭ አትሆኑም፡፡ … የእኔ ሳይሆኑ የእናንተ ባሪያ አገልጋዮችን አትቀጥሩበትም …፡፡ … ሕዝቤንም እንዲህ በላቸው ግልጽ የገንዘብ አሰባሰብ መመሪያ የሌላቸውንና በገለልተኛ ኦዲተር የማይተዳደሩ አብያተ ክርስቲያናትን ከመርዳት እንዲቆጠቡ አሳስባቸው፡፡ አስራታችሁንና መባችሁን ለእነዚህ አብያተ ክርስቲያናት ከምታስገቡ ለተቸገሩ ሰዎች፣ ለድኾች፣ ለበሽተኞች ስጡ፡፡ …. ጥቅስ እየደረደሩ ለመዋጮና ለስጦታ የሚለፈልፉትን አትስሟቸው፡፡ … በግልጽ ድኾችን የማትረዳ፣ ለችግርተኞች ድጋፍ የማታደርግ ቤቴ ክርስቲያን መደገፍ እና መርዳት ሽፍታን እና ቀማኛን ከመደገፍ አይተናነስምና ሕዝቤ ይጠንቀቅ፡፡ የመንፈስ ፍሬ የማታፈራን ቤተ ክርስቲያን መደገፍ ጠንቋይ ቤትን ከማሠራት አይተናነስም፡፡ (ገጽ 168)፡፡

    “‘ሕዝቤ ፍቅር በማጣት በጠላት እየተመታ ነው፡፡ እናንተም ለሰው ፊት ሳታደሉ ፍቅርን ለግሱ፡፡ … በሕዝቤ ፊት መሪ አድርጌ ብሾማችሁ እናንተ ግን ልባችሁ በጥበባችሁ ላይ ከወደቀ አዋርዳችኋለሁ፡፡ ባለ አደራዎች እንጂ ባለቤቶች አይደላችሁም፡፡’ (ገጽ 127፣)፡፡ ‘ዋናውን የክርስትና አንኳር ትምህርት ወደ ጎን ትቶ ጥቅስ እየቀመሩ ‘ትጥሳለህ፣ ትጠረምሳለህ፣ ትባረካለህ፣ ሀብታም ትሆናለህ’ እየተባለ የብሉይ ኪዳን ጥቅስ እየተጠቀሰ የሚወሻከተው ትምህርት ምድራዊ እንዲያውም አረማዊ ነው፡፡ እወቁት፤ ሐሰተኛ ሰባኪዎቻችሁ እያሳቷችሁ መጨረሻው ሲኦል ነው’ (ገጽ 245)፡፡ ‘ድንቅና ተአምራትን ለዝናቸውና ለገንዘብ ማሰባሰቢያ በማስታወቂያ እንደሚያስነግሩ እንደ ፈሪሳውያን ጽድቃቸውን ከሚያስደሰኩሩ እና ለራሳቸውና ለዘር ማንዘራቸው ብልጽግና ከሚሮጡ ከዘረኞችና ከራስ ወዳዶች ሕዝቤ ራሱን ይጠብቅ’ (ገጽ 247)፡፡ ‘ዐይኖቻችሁንና አጀንዳችሁን ምድራዊ ከማድረግ ተቆጠቡ፤ ምፅአቴን ስበኩ፤ አዳኝነቴን አውሩ’” (ገጽ 255)፡፡ ‘እኔን በግልጸ የማያሳዩ እጅግ ብዙ አገልጋዮችን ከመድረኮቼ የምጠርግበት ዓመታት ይሆናሉ’ (ገጽ 275)፡፡

    በዚሁ ቢበቃንስ? (ቀጣዩ ሥራ መጽሐፉን ላዋሰኝ ሰው መመለስና “ነቢይ” ዳንኤልን ለማግኘት መሞከር ነው)፡፡
    source from ምስባከ ጳውሎስ – Paul’s Pulpit fb page

  92. Anonymous

    January 8, 2015 at 12:28 pm

    Hahahahahahahahhahaha

  93. Yitbarek Bizunhe

    January 8, 2015 at 11:59 am

    now in ethiopia somany crazy ppl have imagine this person i think he say am teach ppl about jesus i think he teach about divill now may be he understand who with him God is allways wright he is not show him anything better when he dead 5 days he stay in Hell Better but now also for him the samething

  94. Yitbarek Bizunhe

    January 8, 2015 at 11:53 am

    now in ethiopia somany crazy ppl have imagine this person i think he say am teach ppl about jesus i think he teach about divill now may be he understand who with him God is not all ways wright he is not show him anything better when he dead 5 days he stay in Hell Better but now also for him the samething

  95. hailugosaye03@gmail.com

    January 8, 2015 at 11:46 am

    hahahahaha ……. ohhhhhhhhhhhhhhhhhhhhh reallyyyyyyyyyyyyyyyyyyyyyyyyyyyyyyyyyyy

  96. Anonymous

    January 8, 2015 at 11:37 am

    እናንተ የመንፈስ ድሆች ዝም ብላችሁ አትሳደቡ።

  97. Anonymous

    January 8, 2015 at 11:25 am

    ሉተርን አላየከውም ወይ

  98. Eliyas Negash

    January 8, 2015 at 10:49 am

    You are right

  99. ማዘንግያ

    January 8, 2015 at 10:43 am

    ዘመነ ውሸት
    መንግስት ይዋሻል
    ህዝቡም ተከትሎታል።

  100. elsa

    January 8, 2015 at 9:58 am

    P’s this ma needs chemotherapy I am not physician but

  101. Anonymous

    January 8, 2015 at 9:38 am

    Ere shem new eferet yelm endi yet geba

  102. Anonymous

    January 8, 2015 at 9:35 am

    it is better to respect each other and insulting to one other will not make sense ,on the other hand, people who are writing such type of book will mislead others and could be disastrous and need to be discouraged and crititisized.

  103. genesha Mada

    January 8, 2015 at 9:35 am

    hashuu taas gees GAMOY!!!!!

  104. Anonymous

    January 8, 2015 at 9:33 am

    bulls*#t tube

  105. Daniel

    January 8, 2015 at 9:31 am

    This man has to be taken to the jail and justice has to be done before it is to late.

  106. Anonymous

    January 8, 2015 at 9:26 am

    ahya belew

  107. Anonymous

    January 8, 2015 at 9:26 am

    fuck youuuuuuuuuuuuuuuuu

  108. Anonymous

    January 8, 2015 at 9:17 am

    ሲኦል ውስጥ ኣየህዋቸው ያልቸው ሰዎች ገነት ዉስጥ ኣየህዋቸው ቢል

    ኮሜንታችን ምን ዪሆን ነበር? ልክ ውይም ልክ ኣይደለም ማለቴ ኣይደለም
    ግን ኣንድ ሰው ሲሳሳት እውንት ከማስረዳት ፈንታ መሳደብ መምታተ መግደል

    ኣንሁን ኣስተምሮ ጥሩ ሰው ማድረግ እየተቻለ።ኣማኝ ከሆን በየትኛቅዉም

    ሃይማኖትም ቢሆን የተወገዘ ነው። እምነትህን ለሰደበብህ ስለሰደብክ

    ወደ እግዚኣብሄር ወደ ኣላህ የቀርብክ መስሎህ እንደሆነ ተሳስተሃል

    እንድያውም ርቀሃል።

  109. ይገርማል

    January 8, 2015 at 9:10 am

    እራስህ ነው እንዴ የጻፍከው።

  110. ed

    January 8, 2015 at 9:00 am

    Sewyew zim libal aygebam ..

  111. Anonymous

    January 8, 2015 at 8:59 am

    Please care for others when you posted this like information, b/c Ethiopia is not country of uni religion, she is the holder of multi religion.

  112. Anonymous

    January 8, 2015 at 8:56 am

    Let me show you a simple example from the information above. He said, he saw all Orthodox Christians burning in hell, Meles Zenaw was Orthodox Christian, so how come he is in heaven while he was an Orthodox?

  113. Eliyas Negash

    January 8, 2015 at 8:40 am

    በውሸት ፈጠራ ወደ መካከለኛ ገቢነት?
    በ5 ደቂቃ ይሄን ሁሉ ነገር ማየት ይቻላል? በ5 ደቂቃስ 279 ገጽ መጽሐፍ መፃፍ ይቻላል? ገነትና ገሃነም ያሉትን በአንድ ጊዜ ለማየት እንዴት ቻለ? ድንበር ናቸው እንዴ? ነው ወይንስ አልበረት አንስተይን ስለጊዜ አንፃራዊነት (Theory Of Relativity) የነገረን አሳስቶን ነው ማለት ነው?…
    ጊዜው አጭበርባሪዎች በየትኛውም አቋራጭ መንገድ ሄደው የሚከብሩበትን መንገድ የሚያመቻቹበት ነው፡፡ “ሰው ገሃነም እንዳይገባ የሚፈልግ” ሰው ከሆነ 279 ገፅ መፅሐፍ እንዴት 350 ብር ሊሸጥ ይችላል? ወይም እንደለመደው ከውጭ እስፖንሰር ለምን አልጠየቀም? ለነገሩ ፈረንጅን በዚህ ሊያጃጅል አይችልም፡፡
    ለማንኛውም ጠንቀቅ !

  114. #UNIQUE

    January 8, 2015 at 8:22 am

    Maybe temesasilobik endayhon HELL and HEAVEN…..I am sure MELES KALE EZA SEOL NEEW ….lol

  115. Ejigu

    January 8, 2015 at 8:11 am

    ሀገራችን ዉስጥ ምክኒያታዊ አስተሳሰብ አልጎበትም እንጅ የሀብት እና ማዕድን ደህነት እስከዚያም አይደለም!!

  116. Anonymous

    January 8, 2015 at 8:06 am

    big man

  117. Anonymous

    January 8, 2015 at 8:05 am

    አይ ድድብና

  118. Anonymous

    January 8, 2015 at 8:01 am

    ዳንኤል አበራ ማነው?
    ትውልዱ እድገቱ?
    የትምህርት ይዞታው?
    ቤተሰብ፣ሚስት ልጆች አሉት?
    አሁን የት ነው ያለው ?
    የእፉኝት ልጅ ሁላ!!!!!

  119. Anonymous

    January 8, 2015 at 7:51 am

    who knows, that is up to God.

  120. Anonymous

    January 8, 2015 at 7:48 am

    ሲኦል bcha new ende yegebognew

  121. king

    January 8, 2015 at 7:47 am

    yes ur right im a Christian orthodox but
    no one cant joke in others religion

  122. turu sew

    January 8, 2015 at 7:47 am

    Ye nuro wudnet chinklatu lay woto sianawzew min yadrg endezih weyane yalhedebetn menged felgo meneged newu enji….feterawn adnkialehu gobez newu. Gena bizu ysemal endme le weyanie ena teketay
    Jbochu….

  123. Anonymous

    January 8, 2015 at 7:42 am

    በጣም የሚገርም ፈጠራ ነው ኪስ ከመግባት የሚለየው እራሱ ባለቤቱ በፍቃደኝነት ከኪሱ እንዲያወጣ ማድረጉ ነው ።

  124. Anonymous

    January 8, 2015 at 7:39 am

    #ቴዎድሮስ ተ/አረጋይ አንተ ግማታም ትግሬ!!! አንተ የማንነት ችግር ያለብህ ችጋራም ፂላ 1 ቀን ፍርድህን ታገኛለህ፡፡

  125. Anonymous

    January 8, 2015 at 7:33 am

    አቡነ ጳውሎስን ጨምሮ የኦርቶዶክስና ካቶሊክ ጳጳሳት ከነአማኞቻቸው በእሳት ጉድጓድ እየተቃጠሉ በእሳት ጉድጓድ ተጥለው እየተቃጠሉ ሲሰቃዩ አይቻለሁ ።

  126. Anonymous

    January 8, 2015 at 7:32 am

    isliminna aimiron masaman bemichilu quranawiina hadiawii lojic yemimera aimiro lalew yemigaba neger new inji betera hilm,kisheti,tilacha,daydreaming ….. ina yemesaselut yemifeta aidelem.yihe sew tinish yemanfesawinet lib binoorow indezih ballefelefe neber. min inawkalen bel tebilom yihonal. balabetuan yetemamenech beg…………….indemibalew.

  127. Anonymous

    January 8, 2015 at 7:30 am

    እዉነት ሊሆን ይችላል

  128. Anonymous

    January 8, 2015 at 7:29 am

    ማን ያዉቃል? እዉነት ሊሆን ይችላል

  129. Anonymous

    January 8, 2015 at 7:26 am

    l merch ymetal zendiro woyis alnerwum

  130. Anonymous

    January 8, 2015 at 7:23 am

    ትክክል ሊሆን ይችላልና ብዙ አትበዱ፡፡

  131. Anonymous

    January 8, 2015 at 7:21 am

    not only muslims bro

  132. Anonymous

    January 8, 2015 at 7:15 am

    ye hee weshaa yaweshaa leje

  133. Anonymous

    January 8, 2015 at 7:12 am

    “የቀድሞው የሀገራችን መሪ (አቶ መለስ ዜናዊን ማለቱ ነው) በገነት እንዳገኛቸውና አየሱስ ክርስቶስ የመጀመሪያው ገነት የገባ መሪ መሆናቸውን እንደነገረው ከብዙ ሀተታዎች ጋር ጽፏል ።” በጣም ትልቅ ነጥብ! እንደልቤ የተባለለት ዳዊት ገሀነብ ገብቶዋል ማለት ነው ወይስ ዳዊት መሪ አልነበረም! ይችህ ሃሳብ በመጽሀፉ ሁለተኛ እትም ላይ ብቸኛው አፍሪካዊ መሪ አልያም ብቸኛው የኢትዮጽያ መሪ ተብሎ ይስተካከል ይሆናል!

  134. Aze

    January 8, 2015 at 7:11 am

    the confused people confused us!

  135. Anonymous

    January 8, 2015 at 7:10 am

    So pm melse le election yememeta yemselhale

  136. Anonymous

    January 8, 2015 at 7:09 am

    melesin genet yayew yalemekeses mebt lemawoj feligo yihon?…. enkuan ayehew ahun bekelalu meret timeraeh…….

  137. eliyas mengistu

    January 8, 2015 at 7:03 am

    betam tiru

  138. Anonymous

    January 8, 2015 at 6:59 am

    ere min ayinetu dedeb new bakachu hizbun min bilo biyasib newgn ehe tikikilegnaw setan mehon alebet

  139. Anonymous

    January 8, 2015 at 6:43 am

    Kimmo new enda yetsafew.

  140. Anonymous

    January 8, 2015 at 6:41 am

    what is the position of Meles there in heaven!KKKKKKKKKKKKKKKKKKKKKKKKKKKK

  141. azeb

    January 8, 2015 at 6:40 am

    Yyihen sew hig benor behig meteyek yigebal neger gin hig hagerachin wusit siletefa lelayignaw menigist asalifen mesitet new

  142. ermais gizaw

    January 8, 2015 at 6:33 am

    i think he is coming to sell his book kkkkkkkkkkkkkkkkkkkkk

  143. Rita

    January 8, 2015 at 6:32 am

    Kkkkkkkkkkkkkkkkkkkkkk yemgemraw genet yegba meri lalas yelewm

  144. Anonymous

    January 8, 2015 at 6:32 am

    no idea

  145. kasa

    January 8, 2015 at 6:28 am

    what a shame

  146. Sammy Hailu

    January 8, 2015 at 6:27 am

    Ho bel Muslims. ……yihe sew meweged alebet
    as soon as possible. ……no time to waste

  147. Anonymous

    January 8, 2015 at 6:27 am

    ጊዜህን ጠብቅ አንተም ተራህ ሲደርስ አንገትህን በእጅህ ይዘህ ትዞራለህ ፓሪስን አስታውስ ፡፡

  148. Anonymous

    January 8, 2015 at 6:26 am

    Some one need to kill this shit…………

  149. Anonymous

    January 8, 2015 at 6:24 am

    alahu akber yih sew rasu new fird bet mekreb yalebet jezba new !!!!!!!!!!!!!!!!!!!!!!!!!

  150. Anonymous

    January 8, 2015 at 6:23 am

    …… Meskerem ayteba alu

  151. Anonymous

    January 8, 2015 at 6:21 am

    When the mind remains empty for a long time, it fills itself with such kind of trash things!!!

  152. wey sew

    January 8, 2015 at 6:20 am

    hahahahaha ……. ohhhhhhhhhhhhhhhhhhhhh reallyyyyyyyyyyyyyyyyyyyyyyyyyyyyyyyyyyy

  153. Anonymous

    January 8, 2015 at 6:11 am

    kkkkkkkkkkkk amel new drom ke protestant men yetebekal tenshe koyitewu amelak nen endemilu ateterateru

  154. Anonymous

    January 8, 2015 at 6:10 am

    ”Gud bel Gondar!!!”

  155. jhon

    January 8, 2015 at 6:09 am

    is he kidding ha ha ha ha…………….

  156. Anonymous

    January 8, 2015 at 6:08 am

    is he kidding ha ha ha ha…………….

  157. Anonymous

    January 8, 2015 at 6:01 am

    dro keprositant mnm altebkm mechereshaw indih new

  158. Anonymous

    January 8, 2015 at 5:52 am

    What does it mean?

  159. Anonymous

    January 8, 2015 at 5:51 am

    yasaferale, egizeabeher yekere yebelewe

  160. Anonymous

    January 8, 2015 at 5:38 am

    god god god god god god god

Leave a Reply

Your email address will not be published.

Articles

የቶኪዮ 2020 ኦሊምፒክ የኢትዮጵያ የአትሌቲክስ ተሳትፎ ድህረ ምልከታ

Published

on

Medal Winners

በቶኪዮ 2020 ኦሊምፒክ በወረቀት ደረጃ ከውድድሩ መጀመር በፊት ቡድኑ ባመዛኙ በጥሩ ብቃት ላይ የሚገኙ ወጣት አትሌቶችን ስላካተተ ቢያንስ የለመድናቸውን ሁለት ወይም ሶስት የወርቅ ሜዳልያ ድሎች እንደማያሳጣን ተስፋ አድርጌ ነበር፡፡ ሆኖም የሜዳ ላይ ውጤቱ እንደተጠበቀው ሳይሆን ቀርቷል፡፡ ኢትዮጵያ በውጤታማነቷ በምትታወቅበት የአትሌቲክስ ፉክክር በአንድ የወርቅ፣ አንድ የብር፣ እና ሁለት የነሐስ በድምሩ በአራት ሜዳልያዎች ከዓለም 14ኛ ከአፍሪካ 3ኛ ደረጃን ይዛ ጨርሳለች፡፡ ይህም ሁሌም ለአፍሪካ የበላይነት ከምንፎካከራት ኬንያ ጋር ያለን ልዩነት ይበልጥ እንዲሰፋ አድጎታል፡፡ ከቅርብ ግዜ ወዲህ ሌላኛዋ የምስራቅ አፍሪካ ተቀናቃኛችን እየሆነች ከመጣችው ኡጋንዳም አንሰን እንድንገኝ አድርጎናል፡፡ የቶኪዮ ኦሊምፒክ በአትሌቲክሱ ከ1992ቱ የባርሴሎና ኦሊምፒክ ወዲህ ኢትዮጵያ ዝቅተኛ የሜዳልያ ስኬት ያስመዘገበችበትም ሆኖ አልፏል፡፡

አሉታዊ ጎኖች
ቶኪዮ የኢትዮጵያ አትሌቲክስ ውጤታማነት ፈር ቀዳጅ የሆነው ታላቁ አትሌት ሻምበል አበበ ቢቂላ በ1964 ዓ.ም. በተከታታይ ሁለተኛ የኦሊምፒክ ማራቶን ድሉን የተቀዳጀባት ከተማ ናት፡፡ እናም በቶኪዮ ከተማ በተከናወነው የኦሊምፒክ ውድድር የኢትዮጵያ ልዑካን ቡድን የሱን ክብር የሚያጎሉባቸውን ነገሮች ያደርጋሉ ብዬ ጠብቄ ነበር፡፡ የሆኑት ነገሮች ግን በተለይ በቡድኑ አስተዳዳሪዎች በኩል ፍፁም ኃላፊነት የጎደለውና ከጠበቅኩት በተቃራኒው ነበር፡፡ የኢትዮጵያ አትሌቲክስ ፌዴሬሽን እና የኢትዮጵያ ኦሊምፒክ ኮሚቴ ከአትሌቶች ምርጫ አንስቶ በቡድኑ የዝግጅት ወቅት በተካረረ ውዝግብ ውስጥ ነበር የከረሙት፡፡ የኦሊምፒክ ቡድኑን የማዘጋጀት እና የመምራት የጋራ ኃላፊነት የነበረባቸው ሁለቱ አካላት ይባስ ብለው ውዝግቡን ቶኪዮ ድረስ ይዘውት ሄደዋል፡፡ ይህ ሁሉ ሲሆን ሁለቱን አካላት በማቀራረብ በትልቁ ውድድር ላይ ያለንን ተሳትፎ እንከን አልባ ማድግ የሚጠበቅባቸውም ተመልካች ከመሆን የዘለለ ሚና አልነበራቸውም። የውዝግቡ አሉታዊ ትሩፋት በአትሌቶች ስነልቦና እና በአጠቃላይ የቡድኑ ውጤት ላይ የበኩሉን ተፅዕኖ ሳያሳርፍ እንዳላለፈ አያጠራጥርም፡፡

እንደ አለመታደል ሆኖ በቶኪዮ ኦሎምፒክ የኢትዮጵያን ልዑካን የመምራት ትልቁ ኃላፊነት የተሰጣቸው ሰዎች ኃላፊነት የጎደላቸው ነበሩ። የስፖርቱ አስተዳደሪዎች ትላልቅ ዓለም አቀፍ ውድድሮች በመጡ ቁጥር በአትሌቶች ምርጫ ዙሪያ የነበረውን ውዝግብ እንዲያቆሙልን እመኝ ነበር። ጭራሽ እራሳቸው ችግር ፈጣሪ ሆነው መገኘታቸው አስደንጋጭ እና አሳሳቢ ጉዳይ ነው፡፡ በመሮጫ መም ወይም በጎዳና ላይ በሚደረጉ ውድድሮች መሸነፍን በስፖርቱ ውስጥ ማሸነፍ እና መሸነፍ ያሉ የነበሩ እና ወደፊትም የሚኖሩ ነገሮች ስለሆኑ በፀጋ መቀበል ይቻላል፡፡ ተወዳዳሪዎቹ ውጤታማ እንዲሆኑ የስነልቦና ጥንካሬን ሊፈጥሩላቸው የሚገቡ ኃላፊዎች የእርስ በርስ ሽኩቻ ተቃራኒውን አሉታዊ ተፅዕኖ ሲያሳርፍ ማየት ግን ፍፁም ተቀባይነት የለውም፡፡ ለነገሩ ከስፖርቱ እድገት ይልቅ የፖለቲካ ግዴታቸው የሚያስጨንቃቸው የስፖርት አመራሮች በበዙባት ሀገር ስፖርቱ እንዲህ የማንም መጫወቻ ሲሆን ማየት አዲስ ነገር አይደለም፡፡  

የስፖርት አመራሮች ከፖለቲካ ተፅዕኖ ነፃ ሆነው ትኩረታቸውን ስፖርቱን በማስፋፋቱ እና ማሳደጉ ላይ አድርገው የሚሰሩ ስለስፖርቱም በቂ እውቀት እና ፍቅሩ ያላቸው ቢሆኑ መልካም ነው፡፡ ለቦታው በሚመጥን እና ኃላፊነቱን በአግባቡ መወጣት በሚችል የስፖርት አመራር የሚመራ የስፖርት ተቋምን መገንባት በተመሳሳይ ሰዓት የሀገር ግንባታን የሚደግፉ ሶስት ነገሮችን ስኬታማ ያደርጋል፡፡ በስፖርት ጤናውን የሚጠብቅ ማሕበረሰብ በመፍጠር በጤናው ሴክተር ላይ የሚኖረውን ጫና ይቀንሳል፣ በሀገር ገፅታ ግንባታ እና በኢኮኖሚው ዕድገት ላይም የበኩሉን ከፍተኛ አስተዋፅኦ ያደርጋል፡፡ በቶኪዮ ላይ የተመለከትናቸው የሀገርን ክብር ዝቅ ያደረጉ ግዴለሽነቶች ተገቢው ትኩረት ተሰጥቷቸው ሊታዩና አጥፊዎቹ ሊጠየቁበት ይገባል፡፡ በመጪዎቹ ዓመታት በሚጠብቁን ዓለም አቀፍ ውድድሮች ላይም የቶኪዮ ኦሊምፒኩን አይነት ሀፍረት እንዳይገጥመን ከወዲሁ ለችግሮቹ መፍትሔ መፈለግ አለበት፡፡

ባለፉት ዓመታት ኦሊምፒክ በመጣ ቁጥር በልዑካን ቡድኑ ውስጥ እየተካተቱ በሕዝብ ገንዘብ የሚዝናኑት የኦሊምፒክ ቱሪስቶች ጉዳይ ዘንድሮም ያልተቀረፈ ችግር ሆኖ ተስተውሏል፡፡ ከሌላው ግዜ በተለየ መልኩ ተጠባባቂ አትሌቶችን ይዞ መጓዝ ይጠይቅ በነበረው ውድድር ላይ አትሌቶቹን ትቶ ምንም የማይሰሩ ሰዎችን ይዞ መሄድ ትልቅ ቀልድ ነው፡፡  

ከሜዳ ውጭ የነበረው ውዝግብ ዋነኛ የትኩረት ማዕከል የነበረ መሆኑ በሜዳ ላይ የነበሩብንን ድክመቶች ሊያስረሳንም አይገባም፡፡ ስድስት የጎዳና ላይ ተወዳደሪዎቻችን እና አንድ የመም ተወዳዳሪ ውድድራቸውን ማቋረጣቸው በቶኪዮ ከታዩት ደካማ ጎኖቻችን መካከል የሚጠቀስ ነው፡፡ ችግሩ በዚህ ምክንያት ነው የተከሰተው ብሎ ለይቶ ለመናገር ባይቻልም ብዙ ግዜ ሲፈትነን ለሚስተዋለው የሞቃታማ ቦታ ውድድር የምናደርጋቸው ዝግጅቶችን መለስ ብሎ መመልከትን የሚጠይቅ ይመስለኛል፡፡ የተጎዳች አትሌትን ወደውድድር እንድትገባ ማድረግ እና በሁለት ደቂቃ ውስጥ ለማቋረጥ መገደዷም የአትሌቶች የጤና ክትትል ላይ ክፍተት እንዳለ የጠቆመን ክስተት ነው፡፡

የኢትዮጵያ ኦሊምፒክ ቡድን ወደውድድር ስፍራው ካቀናበት ግዜ ጀምሮ በቶኪዮ ምንም አይነት ቡድኑን የተመለከቱ ይፋዊ ጋዜጣዊ መግለጫዎች ወይም ፕሬስ ሪሊዞች አልነበሩም፡፡ ይህም እንደተለመደው የሕብረተሰቡን እና የመገናኛ ብዙሀንን ስለቡድኑ ቀጥተኛ መረጃ የማግኘት መብት የገደበ ነበር፡፡ ጋዜጠኞችም ሚዛናዊ ሆኖ ከመዘገብ ይልቅ ጎራ ለይተው ቃላት መወራወራቸው የህዝብን ትክክለኛ መረጃ የማግኘት መብት የነፈገ ነው፡፡ 

አዎንታዊ ጎኖች
ሰለሞን ባረጋ በወንዶች 10,000 ሜትር ወርቅ፣ ለሜቻ ግርማ በወንዶች 3000 ሜትር መሰናክል ብር፣ ጉዳፍ ፀጋዬ በሴቶች 5000 ሜትር ነሐስ፣ እና ለተሰንበት ግደይ በሴቶች 10,000 ሜትር ነሐስ ማስመዝገብ መቻላቸው የሚደነቅ ስኬት ነው፡፡

የመጪው ትውልድ አካል የሆኑት ተስፈኞቹ መቅደስ አበበ፣ ፍሬወይኒ ሀይሉ፣ በሪሁ አረጋዊ እና ጌትነት ዋለን ጨምሮ አምስት አትሌቶች ለሜዳሊያ የቀረበ የአራተኛነት ደረጃን ይዘው ማጠናቀቅ መቻላቸውም መልካም ነው፡፡ በተለይ ወጣቶቹ ያስመዘገቡት ውጤት በመጪዎቹ ዓመታት ተገቢውን ድጋፍ ካገኙ የምንጓጓለትን ድል ሊያስገኙልን እንደሚችሉ ያመላከተን ነው፡፡

የሀብታም አለሙ በኢትዮጵያ የኦሊምፒክ ተሳትፎ ታሪክ በሴቶች 800 ሜትር ለመጀመሪያ ግዜ ለፍፃሜ ተወዳዳሪነት መብቃት ምንም እንኳ በፍፃሜው የሜዳልያ ድል ባይቀናትም በአዎንታዊ ጎን ሊጠቀስ የሚችል ስኬት ነው፡፡

ከአንደኛ እስከ ስምንተኛ ደረጃን ይዘው ላጠናቀቁ አትሌቶች በሚሰጥ ነጥብ ድምር መሰረት በወጣው የነጥብ (ፕሌስመንት) ደረጃ ሰንጠረዥ ላይ በ64 ነጥብ ዘጠነኛ ሆነን ማጠናቀቃችንም እሰየው የሚያስብል ነው፡፡

በቶኪዮ ኦሊምፒክ ከአራተኛ እስከ ስምንተኛ ባሉት ደረጃዎች ውስጥ አጠናቀው ነጥብ ያስገኙ እና የዲፕሎማ ተሸላሚ የሆኑት አትሌቶች፡-
4ኛ – ፍሬወይኒ ሀይሉ – በሴቶች 1500 ሜትር
4ኛ – መቅደስ አበበ – በሴቶች 3000 ሜትር መሰናክል
4ኛ – ሮዛ ደረጀ – በሴቶች ማራቶን
4ኛ – በሪሁ አረጋዊ – በወንዶች 10,000 ሜትር
4ኛ – ጌትነት ዋለ – በወንዶች 3000 ሜትር መሰናክል
5ኛ – እጅጋየሁ ታዬ – በሴቶች 5000 ሜትር
6ኛ – ሀብታም አለሙ – በሴቶች 800 ሜትር
6ኛ – ሰንበሬ ተፈሪ – በሴቶች 5000 ሜትር
8ኛ – ዮሚፍ ቀጄልቻ – በወንዶች 10,000 ሜትር
8ኛ – ዘርፌ ወንድማገኝ – በሴቶች 3000 ሜትር መሰናክል

  • የአትሌቲክስ የነጥብ ደረጃ ሰንጠረዥ ከአንደኛ እስከ ስምንተኛ ባሉት ደረጃዎች ውስጥ የሚያጠናቅቁ አትሌቶች በሚያስመዘግቡት ነጥብ ድምር መሰረት የሚወጣ ሲሆን የነጥብ አሰጣጡም ለአንደኛ ደረጃ 8 ነጥብ፣ ለሁለተኛ ደረጃ 7 ነጥብ፣ ለሶስተኛ ደረጃ 6 ነጥብ፣ ለአራተኛ ደረጃ 5 ነጥብ፣ ለአምስተኛ ደረጃ 4 ነጥብ፣ ለስድስተኛ ደረጃ 3 ነጥብ፣ ለሰባተኛ ደረጃ 2 ነጥብ፣ እና ለስምንተኛ ደረጃ 1 ነጥብ ነው።

ከፊታችን ምን  እየጠበቀን ነው? ምንስ እናድርግ?
ባለፈው ዓመት በዓለም አቀፉ ወረርሺኝ ምክንያት ትልልቅ ዓለም አቀፍ ውድድሮች ለሌላ ግዜ እንዲተላለፉ መደረጉ ይታወቃል፡፡ ሌላ አስገዳጅ ሁኔታ ካልተፈጠረ በስተቀር ቀጣዮቹ አራት ዓመታት በተከታታይ በየዓመቱ ዓለም አቀፍ የአትሌቲክስ ውድድሮች የሚካሄዱባቸው ይሆናሉ፡፡ በ2022 የዓለም ሻምፒዮና፣ በ2023 የዓለም ሻምፒዮና፣ በ2024 የኦሊምፒክ ጨዋታዎች፣ እና በ2025 የዓለም ሻምፒዮና ውድድሮች ይኖራሉ፡፡ በቀጣዩ ዓመት በኢትዮጵያ የቀን አቆጣጠር ከሐምሌ 8 – 17/2014 በዩናይትድ ስቴትስ ኦሪጎን የሚካሄደው የዓለም አትሌቲክስ ሻምፒዮና አዘጋጆች ሙሉ የውድድሩን ፕሮግራም፣ የማራቶን እና የእርምጃ ውድድሮች የሚካሄዱባቸውን ቦታዎች በትላንትናው ዕለት ይፋ አድርገዋል፡፡ የዓለም ሻምፒዮናውን ውድድር በኃላፊነት የሚመራው የኢትዮጵያ አትሌቲክስ ፌዴሬሽንም ከወዲሁ ለዛ ውድድር ተሳትፎ የሚጠበቅበትን አቅዶ መንቀሳቀስ ይኖበርታል፡፡

ከምርጫ ጋር በተያያዘ የሚነሱ ጭቅጭቆችን ለማስቀረት ከወዲሁ ሁሉም አትሌቶች አውቀውት በውስጡ የሚያልፉበትን ገዢ የሆነ የመምረጫ መስፈርት ማዘጋጀት ቀዳሚው ተግባር መሆን አለበት፡፡ የመምረጫ መስፈርት ሁልግዜም በግላዊ ምልከታ እና ፍላጎቶች ላይ በሚመሰረት ምክንያት አነጋጋሪ መሆኑ የማይቀር ነው፡፡ ቢሆንም ባለድርሻ አካላቱን በሙሉ ባሳተፈ መልኩ ውይይት ተደርጎበት ቢወጣ ሁሉንም ገዢ እና ከጭቅጭቅ የፀዳ ሊሆን ይችላል፡፡ እዚህ ላይ በቶኪዮ ኦሊምፒክ ከተከሰቱት ሁኔታዎች አንፃር የሌሎች ሀገሮችንም ተሞክሮዎች በመዳሰስ ነገሩን ሰፋ አድርጎ መመልከት ቢቻል ጥሩ ነው፡፡ ትልልቅ ውድድሮች በመጡ ቁጥር በተደጋጋሚ እንደታዘብነው አንዳንድ አትሌቶች በቡድኑ ውስጥ ለመካተት የሚያደርጉትን ተገቢ ያልሆነ ሙከራም ማቆም አለባቸው፡፡ ከፋም ለማም ስፖርቱን እንዲመራ ኃላፊነት የተሰጠው ተቋም የሚያወጣቸውን መስፈርቶች ማክበርና በዛ ውስጥ ተመራጭ ለመሆን መሞከር ግድ እንደሚላቸውም መዘንጋት የለባቸውም፡፡ ማኔጀሮች እና አሰልጣኞች በተለይ በማራቶን የራሳቸውን አትሌት ለማስመረጥ የሚያደርጓቸው አላስፈላጊ ግፊቶችም ሊያቆሙ ይገባል፡፡

ለውድድሮች የምናደርጋቸውን ዝግጅቶች ጠንካራ እና ደካማ ጎኖች ከውድድሮች በኋላ መገምገም እና መታረም ያለባቸው ነገሮች ካሉ ማረም፡፡ ከፍተኛ ሙቀት በነበረባቸው በለንደን 2012 ኦሊምፒክ ሶስቱም የወንዶች ማራቶን ተወዳዳሪዎቻችን፣ በሞስኮ 2013 የዓለም ሻምፒዮና ሁለቱ የሴቶች ማራቶን ተወዳዳሪዎቻችን፣ በቶኪዮ ኦሊምፒክ ላይ አምስት የማራቶን (ሶስቱም ወንዶች እና ሁለት ሴቶች) ተወዳዳሪዎቻችን እንዲሁም የሴቶች እርምጃ ተወዳዳሪያችን ለማቋረጥ መገደዳቸውን አስተውለናል፡፡ ስለዚህ በጎዳና ላይ ውድድሮች ከባድ ሙቀት ለሚኖርባቸው ቦታዎች እንዴት መዘጋጀት አለብን የሚለው ጉዳይም በደንብ ሊታይ የሚገባው ይመስለኛል፡፡ አንዳንድ የመም (ትራክ) ተወዳዳሪ አትሌቶቻችን የውድድር ዓመቱ ሲጀምር ድንቅ ብቃታቸውን ያሳዩን እና ወደትልቅ ውድድር ሲቃረቡ አቋማቸው እየወረደ ይመጣል፡፡ አሰልጣኞቻቸው ለእነዚህ አይነቶቹ አትሌቶች ወደትልቅ ውድድር ሲቃረቡ ብቃታቸውን እያሳደጉ እንዲሄዱ የሚረዳቸውን የልምምድ ፕሮግራም ቢያዘጋጁላቸው መልካም ነው፡፡ በመካከለኛ ርቀት ውድድሮች ላይ በተለይ በወንዶች አሁንም በከፍተኛ ደረጃ የሚፎካከሩ አትሌቶችን ለማፍራት ጠንክረን መስራት ይጠበቅብናል፡፡

Continue Reading

Articles

የኢትዮጵያውያን አትሌቶች የቶኪዮ ኦሊምፒክ የአትሌቲክስ ማጣሪያ ውድድሮች የመጀመሪያ ሁለት ቀናት

Published

on

በሴቶች 5000 ሜትር የፍፃሜ ውድድር ላይ የሚፎካከሩት ኢትዮጵያውያን አትሌቶች

በቶኪዮ ኦሊምፒክ የመጀመሪያዎቹ ሁለት ቀናት የኢትዮጵያ አትሌቶች የተሳተፉባቸው የወንዶች 3000 ሜትር መሰናክል፣ 800 ሜትር በሁለቱም ፆታዎች፣ እንዲሁም የሴቶች 5000 ሜትር ማጣሪያዎች ሌላኛዎቹ የኢትዮጵያውያን የትኩረት ማዕከል የነበሩ ውድድሮች ናቸው፡፡ ቀጣዩ ዘገባ የኢትዮጵያውያኑን የማጣሪያ ውድድሮች ተሳትፎ እና ውጤቶች አንዲሁም ተጨማሪ መረጃዎችን ይዟል፡፡

የወንዶች 3000 ሜትር መሰናክል

በአትሌቲክስ ውድድሩ የመክፈቻ ቀን (ዓርብ ሐምሌ 23/2013) ጠዋት ላይ በተካሄደው የወንዶች 3000 ሜትር መሰናክል ማጣሪያ ከተሳተፉት ሶስት ኢትዮጵያውያን አትሌቶች መካከል ከምድብ አንድ ለሜቻ ግርማ (8፡09.83) በአንደኛነት፣ ከምድብ ሁለት ጌትነት ዋለ (8፡12.55) በሁለተኛነት ለፍፃሜው ሲያልፉ በምድብ ሶስት የተወዳደረው ታደሰ ታከለ (8፡24.69) ስምንተኛ ወጥቶ ለፍፃሜው ሳያልፍ ቀርቷል፡፡ ለሜቻ ጃፓናዊው ሚዩራ ዩጂን እና ኬንያዊው ቤንጃሚን ኪይገንን በማስከተል ከምድቡ ያሸነፈበት 8:09.83 በኦሊምፒክ የማጣሪያ ውድድሮች ላይ የተመዘገበ የምንግዜውም ፈጣን ሰዓት ሆኗል፡፡ የወንዶች 3000 ሜትር መሰናክል የፍፃሜ የሜዳልያ ፉክክር በዋናነት በኬንያውኑ ቤንጃሚን ኪገን እና አብራሀም ኪቢዎት፣ በኢትዮጵያውያኑ ለሜቻ ግርማ እና ጌትነት ዋለ እንዲሁም በሞሮኳዊው ሶፊያን ኤል ባካሊ መካከል እንደሚሆን ይጠበቃል፡፡

ኢትዮጵያ በወንዶች 3000 ሜትር መሰናክል በ1980ው የሞስኮ ኦሊምፒክ በሻምበል እሸቱ ቱራ አማካይነት ካስመዘገበችው የነሐስ ሜልያ ድል ወዲህ በርቀቱ በወንዶች ምንም አይነት የኦሊምፒክ ሜዳልያ ድል የላትም፡፡ ሆኖም ከቅርብ ግዜ ወዲህ እየታዩ የመጡ መሻሻሎች እና በዶሀው የዓለም ሻምፒዮና ላይ የተመዘገበው የብር ሜዳልያ ድል በቶኪዮም ሌላ ሜዳልያን ተስፋ እንድናደርግ ያነሳሳን ሆኗል፡፡ ዘግይቶ የተሰላፊ አትሌቶች ለውጥ ከተደረገባቸው ርቀቶች አንዱ በሆነው የወንዶች 3000 ሜትር መሰናክል በተጠባባቂነት የተመዘገበውና በዋናነት በ5000 ሜትር እንደሚወዳደር ይጠበቅ የነበረው ጌትነት ዋለ ወደመጀመሪያ ተሰላፊነት የመጣ ሲሆን ኃይለማሪም አማረ በመጨረሻ ሰዓት በለሜቻ ግርማ መተካቱም አነጋጋሪ የሆነ ሌላኛው ለውጥ ነው፡፡ ጌትነት በ3000 ሜትር መሰናክልም ጠንካራ ተፎካካሪ አትሌት ሲሆን በዶሀ የዓለም ሻምፒዮና ላይ አራተኛ ሆኖ ማጠናቀቅ ችሏል፡፡ በፍፃሜው ውድድር በ2019 የርቀቱ የዳይመንድ ሊግ ሻምፒዮን ጌትነት ዋለ እና በወቅቱ የዓለም ሻምፒዮና የብር ሜዳሊስት ለሜቻ ግርማ የሚወከለው የኢትዮጵያ ቡድን በቶኪዮ የኬንያውያኑን የበላይነት ለመግታትና አዲስ የስኬት ታሪክ ለማፃፍ እንደሚበቃ ተስፋ ተጥሎበታል፡፡                     

በ1984 በሎስ አንጀለስ ከተከናወነው የኦሊምፒክ ውድድር አንስቶ በተከታታይ በዘጠኝ የኦሊምፒክ ውድድሮች ወይም ላለፉት 36 ዓመታት የኦሊምፒክ የወንዶች 3000 ሜትር መሰናክል የወርቅ ሜዳልያ ድል በኬንያውያን ቁጥጥር ስር ይገኛል፡፡ በዓለም ሻምፒዮናም ተመሳሳይ የበላይነት ያላቸው ኬንያውያን ከ17 የዓለም ሻምፒዮና ውድድሮች በ14ቱ የወርቅ ሜዳልያው አሸናፊዎች ናቸው፡፡ ሆኖም ከሁለት ዓመት በፊት በዶሀው የዓለም ሻምፒዮና ላይ ከኢትዮጵያውያን እና ከሞሮኮ አትሌቶች የገጠማቸው ተግዳሮት ለመሸነፍ እጅግ አቅርቧቸው የነበረ መሆኑ አይዘነጋም፡፡ በአንድ ማይክሮ ሰከንድ ልዩነት አሸናፊነታቸውን ባረጋገጡበት በዶሀው ውድድር የተፈታተኗቸው ኢትዮጵያዊው ለሜቻ ግርማ እና ሞሮኳዊው ሶፊያን ኤል ባካሊ በቶኪዮው ፍፃሜ ለሌላ ብርቱ ፉክክር እየጠበቋቸው ይገኛሉ፡፡ ባለፉት ሁለት የዓለም ሻምፒዮናዎች በቅደም ተከተል የብር እና የነሐስ ሜዳልያን ያገኘው ሞሮኳዊው ሶፊያን ኤል ባካሊ በቶኪዮ ከሚወዳደሩት በሙሉ የላቀና 7፡58.15 የሆነ የራሱ ምርጥ ሰዓት ያለው ነው፡፡

ኬንያ በቶኪዮ ያለፈው ውድድር ሻምፒዮንነቱን ክብር የሚያስጠብቅላትን አትሌት ይዛ መቅረብ ሳትችል ቀርታለች፡፡ ከአምስት ዓመት በፊት በሪዮ የኦሊምፒክ እንዲሁም ከሁለት ዓመት በፊት በዶሀ የዓለም ሻምፒዮን የሆነው ኮንሰስለስ ኪፕሩቶ ባለፈው ወር በኬንያ የኦሊምፒክ ምርጫ ውድድር ላይ ውድድሩን ባለማጠናቀቁ የኦሊምፒክ ሻምፒዮንነት ክብሩን ለማስጠበቅ በቶኪዮ አልተገኘም፡፡ ስለዚህ አሁን የረጅም ግዜ የበላይነታቸውን የማስጠበቅ ኃላፊነቱ በ2019ኙ የዶሀ የዓለም ሻምፒዮና ላይ በቅደም ተከተል ስድስተኛ እና ሰባተኛ ሆነው ባጠናቀቁት ቤንጃሚን ኪገን እና አብራሀም ኪቢዎት ላይ ወድቋል፡፡  

የሴቶች 800 ሜትር

ከአትሌቲክሱ የጀመሪያ ቀን የጠዋት መርሀግብሮች አንዱ በነበረው የሴቶች 800 ሜትር ማጣሪያ በምድብ ሶስት በአሜሪካዊቷ አቲንግ ሙ ተቀድማ በ2 ደቂቃ ከ01.20 ሰከንድ ሁለተኛ የወጣችው ሀብታም አለሙ ለግማሽ ፍፃሜው ያለፈች ሲሆን በሁለተኛው ቀን ምሽት ላይ በተካሄደው የግማሽ ፍፃሜ ውድድር ላይም በአሜሪካዊቷ አቲንግ ሙ ተቀድማ በ1:58.40 ሁለተኛ በመሆን በኦሊምፒክ የውድድር ታሪክ ለመጀመሪያ ግዜ በርቀቱ ለፍፃሜ ውድድር የበቃች ኢትዮጵያዊት ሆናለች፡፡ ሀብታም ከውድድሩ በኋላ በቶኪዮ ለሚገኘው ባልደረባችን አብይ ወንድይፍራው በሰጠችው አጭር ቃል ‹‹ውድድሩ ትንሽ ፈታኝ ነበር ነገር ግን ለሀገሬ ስል ያለኝን አቅም ሁሉ ተጠቅሜያለሁ፡፡ ክብሩ ይስፋ ለመድኃኒዓለም በመጨረሻም አሪፍ ውጤት ላይ ደርሻለሁ፡፡ ለኦሊምፒክ የፍፃሜ ውድድር ሳልፍ የመጀመሪያዬ ነው፡፡ ከዚህ በፊትም ከኢትዮጵያ ለፍፃሜ የደረሰ ያለ አይመስለኝም እና አሁንም መጨረሻዬን ያሳምርልኝ ነው የምለው›› ብላለች፡፡  

በሴቶች 800 ሜትር የመጀመሪያ ዙር ማጣሪያ በምድብ አራት በ2.01.98 አራተኛ ሆና ያጠናቀቀችው ነፃነት ደስታ ወደ ግማሽ ፍፃሜው መቀላቀል ሳትችል ስትቀር በጀማሪዎች ስም ዝርዝር ላይ ስሟ ተካቶ በምድብ አንድ እንደምትሮጥ ስትጠበቅ የነበረችው ወርቅውሀ ጌታቸው ግልፅ ባልተደረገ ምክንያት ውድድሩን ሳትጀምር ቀርታለች፡፡

የወንዶ 800 ሜትር

የወንዶች 800 ሜትር የመጀመሪያ ዙር ማጣሪያ ላይ የተሳተፈው ኢትዮጵያዊው መለሰ ንብረት ከምድብ ሶስት በ1:47.80 ሰባተኛ ሆኖ በማጠናቀቅ ለግማሽ ፍፃሜው ማለፍ ሳይችል ቀርቷል፡፡ በመሐመድ አማን ስኬቶች በመነቃቃት ላይ የነበረው የወንዶች 800 ሜትር ከቅርብ ግዜ ወዲህ ኢትዮጵያ ሶስት ሰዓት የሚያሟሉ ተወካይ አትሌቶችን ለማግኘት እየተቸገረችበት የምትገኝ ርቀት እንደሆነ እየታየ ነው፡፡ የኦሊምፒክ ሚኒማ ማሟላት የቻለ አንድ አትሌት ብቻ ይዘን የቀረብንበት የቶኪዮ ኦሊምፒክም ይህ ችግር እንዳልተቀረፈ የታየበት ሌላኛው አጋጣሚ ሆኗል፡፡  

የሴቶች 5000 ሜትር ማጣሪያ

በአትሌቲክሱ የመጀመሪያ ቀን ሐምሌ 23/2013 ምሽት ላይ በተደረት የሴቶች 5000 ሜትር ማጣሪያ ላይ የተሳተፉት ሶስቱም ኢትዮጵያውያን አትሌቶች ሐምሌ 26/2013 ምሽት ላይ ለሚደረገው የፍፃሜ ውድድር አልፈዋል፡፡ ከምድብ አንድ ሰንበሬ ተፈሪ (14፡48.31) እና እጅጋየሁ ታዬ (14፡48.52) የኔዘርላንዷ ሲፋን ሀሳን (14፡47.89) እና ኬንያዊቷ አግነስ (14፡48.01) ቲሮፕን ተከትለው በቅደም ተከተል ሶተኛ እና አራተኛ ሆነው ሲያልፉ ከምድብ ሁለት ጉዳፍ ፀጋዬ (14፡55.74) ኬንያዊቷ ሔለን ኦቢሪ (14፡55.77) አስከትላ በአንደኛነት አልፋለች፡፡


ሐምሌ 26/2013 ምሽት ላይ በሚደረገው የሴቶች 5000 ሜትር የፍፃሜ ውድድር ላይ የሚፎካከሩት ኢትዮጵያውያን አትሌቶች

በሄንግሎ በተከናወነው የኢትዮጵያ የኦሊምፒክ ምርጫ ውድድር ላይ ባስመዘገበችው የራሷ ምርጥ 14:13.32 የርቀቱ የወቅቱ ፈጣን አትሌት ሆና ወደ ቶኪዮ ያቀናችው ጉዳፍ ለወርቅ ሜዳልያ ድል ከሚጠበቁት መካከል ናት፡፡ በሄንግሎው ውድድር ላይ ጉዳፍን በመከተል በቅደም ተከተል 14:14.09 እና 14፡15.24 በሆነ ሰዓት የጨረሱት እጅጋየሁ እና ሰንበሬም በዓለም የምንግዜም ምርጥ ዝርዝር ውስጥ የስድስተኛ እና ሰባተኛ ደረጃን ለመያዝ የበቁ ጠንካራ አትሌቶች ናቸው፡፡ የቶኪዮ ኦሊምፒክ የሴቶች 5000 ሜትር ተወዳዳሪዎች ዝርዝር ሶስቱን ኢትዮጵያውያን ጨምሮ ከዓለም የምንግዜም ምርጥ አስር የርቀቱ ሯጮች አምስቱን ያካተተ ነው፡፡ ኬንያውያኑ ሄለን ኦቢሪ እና አግነስ ቲሮፕ ከምንግዜም ምርጥ አስሮቹ ውስጥ የሚካተቱ ሲሆኑ በ12ኛ ደረጃ ላይ የምትገኘው ኔዘርላንዳዊቷ ሲፋን ሀሳንም የቶኪዮውን የፍፃሜ ፉክክር በጉጉት እንዲጠበቅ የምታደርግ ብርቱ አትሌት ናት፡፡

Continue Reading

Articles

ሰለሞን ባረጋ ለአስራ ሶስት ዓመት የራቀንን የወንዶች 10,000 ሜትር ድል በቶኪዮ ወደ ኢትዮጵያ መልሶታል

Published

on

218076583_1010892909482678_1235421043554241523_n

በቶኪዮ ኦሊምፒክ በጉጉት ሲጠበቅ የነበረው የአትሌቲክስ ውድድር በተጀመረ በሁለተኛው ቀን በወንዶች አስር ሺህ ሜትር ኢትዮጵያውያንን እጅግ ያስደስተው ድል በወጣቱ ሰለሞን ባረጋ አማካይነት ተመዝግቧል፡፡   
በ1980 ሞስኮ ላይ ምሩፅ ይፍጠር በርቀቱ ለመጀመሪያ ግዜ የኦሊምፒክ የወርቅ ሜዳልያ ካስገኘ በኋላ ከተደረጉት አስር የኦሊምፒክ የወንዶች 10 ሺህ ሜትር ውድድሮች ኢትዮጵያ አምስቱን በበላይነት ለመጨረስ ችላለች፡፡ የርቀቱ ንጉሶች ሀይሌ ገብረስላሴ እና ቀነኒሳ በቀለ ከ1992 እስከ 2008 ዓ.ም. በአራት ተከታታይ የኦሊምፒክ ውድድሮች ላይ በማሸነፍ የርቀቱ የወርቅ ድል ለኢትዮጵያ ብቻ የተሰጠ እንዲመስለን አድርገውንም ነበር፡፡ ከ2008ቱ የቤይጂንግ ኦሊምፒክ የቀነኒሳ በቀለ ድል በኋላ በተከሰተው የሞ ፋራህ የበላይነት ምክንያት ተመሳሳዩን ድል በቶኪዮ ለማየት 13 ዓመታትን መጠበቅ ግድ ብሎናል፡፡ ላለፉት አስራ ሶስት ዓመታት በጉጉት ስንጠብቀው የቆየነውን የ10 ሺህ ሜትር የኦሊምፒክ ድል በመጨረሻም ሰለሞን ባረጋ በቶኪዮ አጎናፅፎናል፡፡ የሰለሞን የቶኪዮ የወርቅ ሜዳልያ ድል ኢትዮጵያ ካለፉት አስራ አንድ ኦሊምፒኮች በርቀቱ ለስድስተኛ ግዜ የበላይ ሆና እንድትጨርስ ያስቻለም ነው፡፡ ድሉ በቶኪዮ የአትሌቲኪስ ውድድሮች የመጀመሪያው የወርቅ ሜዳልያ ድል ሆኖም ተመዝግቧል፡፡ ሰለሞን ባረጋ በ2018 የበርሚንግሀም የዓለም የቤት ውስጥ ውድድር በ3000 ሜትር እና በ2019 የዶሀ ዓለም ሻምፒዮና ላይ በ5000 ሜትር የብር ሜዳልያ ካገኘ በኋላ በመጀመሪያ የኦሊምፒክ ተሳትፎው ከፍተኛ ክብር የሚሰጠውን የ10,000 ሜትር የወርቅ ሜዳልያ ድል ለማሳካት በቅቷል፡፡

‹‹የ200 ሜትር እና 400 ሜትር አጫጨር የፍጥነት ሩጫ ልምምዶችን ስሰራ ስለነበረ ሁለት ዙር ሲቀር ውድድሩን እንደማሸንፍ ለራሴ ነገርኩት››
ሰለሞን ባረጋ ከቶኪዮው ድል በኋላ

ሰለሞን ባረጋ ከቶኪዮው ድሉ በኋላ በስፍራው ከሚገኘው የስራ ባልደረባችን አብይ ወንድይፍራው ጋር ባደረገው አጭር ቃለ ምልልስ የሚከተለውን ብሏል ‹‹ረጅም ርቀት የእኛ ስፖርት ነው ተብሎ ይታመናል፡፡ ሆኖም በኦሊምፒክ ውድድር ላይ ወርቅ ሜዳልያ ከወሰድን ብዙ ግዜ አልፎናል፡፡ ይህን ነገር ለመጨረሻ ግዜ ያሳካውም ቀነኒሳ ነበረ፡፡ ዛሬ በቶኪዮ ድሉን በማሳካቴ በጣም ደስተኛ ነኝ፡፡ በተለይ ለእኛ ከቶኪዮ ጋር አበበ ቢቂላን የምናስታውስበት ድል ስለሆነ ያንን በማሳካቴም በጣም ተደስቻለሁ፡፡ ዘንድሮ ከኡጋንዳ የዓለም ሪኮርድ የሰበረው ቼፕቴጌይ እና የዓመቱን ፈጣን ሰዓት የሮጠው ኪፕሊሞ ነበሩ፡፡ እናም ውድድሩ በጣም ይፈጥናል ብዬ ነበር የጠበቅኩት ግን አልተሮጠም፡፡ ውድድሩን የጨረስነውም 27 ቤት ነው፡፡ የ200 ሜትር እና 400 ሜትር አጫጨር የፍጥነት ሩጫ ልምምዶችን ስሰራ ስለነበረ ሁለት ዙር ሲቀር ውድድሩን እንደማሸንፍ ለራሴ ነገርኩት፡፡ ኡጋንዳውያኑ አትሌቶች ዛሬ ብዙም አልታገሉም፡፡ አብዛኛውን ሰዓት ከኋላ ነው የቆዩት እና እንደዚህ ይሆናል ብዬ አልጠበቅኩም ነበር፡፡ እነርሱን ካሜራ ላይም እያየኋቸው ስለነበር ስለነሱ ብዙም አልተጨነቅኩም እንደውም ከእነሱ ይልቅ የእኛን ልጆች ነበረ ይወጣሉ ብዬ የጠበቅኩት፡፡ በውድድሩ መሀል ተጠባቂ የሆኑት ኡጋንዳውያን ወደኋላ ቀርተው ሶስተኛው የቡድን አጋራቸው ወደፊት ወጥቶ በሰፊ ልዩነት ሲመራ እኛ እነሱን ስንጠብቅ እሱ አዘናግቶ እንዳያሸንፍ ልዩነቱን ለማጥበብ ሞክሬያለሁ፡፡ ምናልባት እነሱ እኛን ሲጠብቁ አንተ ሂድ ያሉት ነበር የመሰለኝ፡፡ ከዚህ በፊት በእንደዚህ አይነቱ ነገር ዳይመንድ ሊግ ላይ ስለተሸወድኩኝ ያንን እንዳይደግሙ ብዬ ነበረ ልዩነቱን ለማጥበብ የሞከርኩት፡፡ የአሰልጣኜንም ምክር እየሰማሁ ስለነበረ የምሮጠው እና ወደኋላ ተመለስ እያለኝ ስለነበር ወደኋላ ተመልሻለሁ፡፡ የእነርሱ እስትራቴጂ እሱን ወደፊት እንዲወጣ አድርገው እኛን ለማድከም ነበረ፡፡ ከበሪሁን ጋር ስንነጋገር ወደፊት ጠጋ በል እያልኩት ነበረ፡፡ ከበሪሁን ጋር ልምምድም አብረን ነበረ የምንሰራው፡፡ እኔ እንደውም ከአንድ እስከ ሶስት እንወጣለን ብዬ ነበር የጠበቅኩት አጋጣሚ ሆኖ አልተሳካም ነገር ግን ወርቁን ወደኢትዮጵያ በመመለሳችን በጣም ደስተኛ ነን፡፡›› ብሏል፡፡

Continue Reading

Trending